Hiligaynon news: 2011 Survey of Enterprises in the Phl patigayunon sa Capiz

SYUDAD SANG ROXAS, Capiz, Agosto 17 (PIA) -- Nagpatigayon sang hinun-anon ang National Statistics Office (NSO)-Capiz nahanungod sa 2011 Survey of Enterprises in the Philippines (SEP) sang Agosto 16 diri sa syudad sang Roxas.

Ang nasambit nga hilikuton ang nagatuyo nga magtudlo kon paano ang pagsabat sa pormas sang SEP nga igapanagtag sa 57 ka mga sample respondents sa probinsya.

Ginpahayag ni Engr. Frankie Dordas nga Provincial Statistics Office sang NSO-Capiz nga ang mga questionnaire ang nagakadapat nga mabalik sa NSO Provincial Office sa Oktubre 31 apang mas labing maayo kon matapos kag masumite insigida sa NSO agud nga mapatigayon ang pag-usisa sa kon kumpleto kag eksakto ang sabat sa mga palamangkutanon.

Samtang ginpakita man ang video sang mensahe ni Carmelita N. Ericta nga administrador sang NSO sa tion sang hinun-anon para sa labing una nga survey nga maga-kolekta sang pinansyal nga mga impormasyon subongman value added kag gross fixed capital formation sang mga pang pinansyal kag non-financial nga mga sektor sang ekonomiya.

Ginpahayag ni Ericta sa iya mensahe nga ang SEP ang magahibalo sang nasyonal subongman rehiyonal nga lebel sang istruktura sang enterprises, mga legal kag statistical unit sang enterprise kag ang kaangtanan sa mga ginapanag-iyahan ukon kontrolado nga yunit sang ekonomiya.

Ang hinun-anon ang ginlakipan man sang open forum agud nga makapamangkot kag maklaro sang mga nagtambong ang isyo kag problema kaangut sa pagsabat sa questionnaire. (JSC/AAL-PIA6 Capiz)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines