Hiligaynon news: Bug-os ang suporta sang Kapulisan sa Capiz sa mga programa sang PNP

By Jemin B. Guillermo

Friday 17th of August 2012

SYUDAD SANG ROXAS, Capiz, Agosto 18 (PIA) -- Nagatingob ang mga kapulisan sa probinsya sang Capiz sa pagtuman sang mga programa sang bag-o nga regional director sang Philippine National Police diri sa Western Visayas.

Ginpahayag ni Capiz Police Provincial Director Domingo Cabillan nga sila ang magasunod sa mga prayuridad nga programa ni PNP Regional Director Agrimero Cruz Jr nga nagahatag pagtamod sa zero tolerance to criminality, istrikto nga pagpatuman sang Integrated Transformation Program kag Performance Governance System, lakip na ang pagpasangkad sang moral kag kaayuhan sang mga katapu sang kapulisan sa Rehiyon 6.

Daku man ang pagpasalamat ni Cabillan sa pagpadulong ni Cruz sining karon lang diri sa probinsya sang Capiz agud sa pagpakighinun-anon sa mga katapo sang kapulisan sa probinsya lakip na ang paghatag kortesiya kay Governor Victor Tanco.

Nauna na nga ginpalab-ot ni Cruz nga indi niya pagpasugtan ang ano man nga sahi sang ilegal nga mga buluhaton sa Western Visayas lakip ang pagpanug-an sa paghimo sang masangkaron nga operasyon kontra sa tanan nga sahi sang kriminalidad.

Si Cruz ang sining karon lang nagtal-os kay anay PNP Regional Director Cipriano Querol. (JCM/JBG-PIA6 Capiz)