Hiligaynon news: Mga priso sang Bucor ginhalin sa kampo sang Army sa Capiz

SYUDAD SANG ROXAS, Capiz, Agosto 8 (PIA) -- Kapin sa 50 ka mga priso gikan sa Leyte sa idalum sang pag-inakop sang Bureau of Corrections (Bucor) ang sa karon yara na ginhalin sa kampo sang 3rd Infantry Division sang Philippine Army sa banwa sang Jamindan.

Ini matapos nga napirmahan na sang mga tiglawas sang 3ID kag sang Bucor ang isa ka memorandum of agreement para sa pag transfer sang nasambit nga mga priso sa kampo.

Ginpahayag ni 3ID Public Affairs Office head Enrico Gil Ileto nga ang paghalin sang amo nga mga priso ang santo man sa nauna na nga ginpalayag ni Presidente Aquino agud mabuhinan ang mga populasyon sang mga priso sa mga prisohan sang Bureau of Corrections.

Suno kay Ileto nga samtang nga ang mga priso ang sa idalum sa gihapon sa maid-id nga supervision sang Bucor, ila man ginasigahom nga mangin mapuslanon ang tion nga igatiner sang mga ini sa kampo bilang pagpanghanda sa palaabuton nila nga pagpalik sa komunidad pagkatapos nila nga maserbisyuhan ang ila sentensya.

Gin abi-abi naman si 3ID Commanding General Jose Mabanta Jr. ang mga nag-alabot nga mga priso lakip ang pagpahayag nga ang nasambit nga lihok ang isa naman ka pamaagi sa idalom sang ila Internal Peace and Security Plan “Bayanihan” agud malab-ot ang kalinong, katawhayan and progreso sa bug-os nga nasyon.

Nagalaum man si Mabanta nga mangin mabinungahon ang pagtiner sang mga priso sa ila kamo kag madamo ang ila matun-an nga mga kinaadman kag ihibalo agud mangin produktibo nga pumoluyo. (JSC/JBG-PIA6, Capiz)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines