Hiligaynon news: Packaging, labeling ag metrology center ginbuksan sa Aklan

Wednesday 8th of August 2012

KALIBO, Aklan, Agosto 8 (PIA) -- Maka kumpetensya eon sa ibang mga produktong pagkaon ro mga pagkaon nga gin-proseso sa Aklan paagi sa pagbukas kurundaya eamang it Provincial Packaging and Labeling Center iya sa Aklan it Department of Science and Technology (DOST) kurundaya eamang.

Dungan sa pagbukas kara, ginbuksan man ro Provincial Metrology Center nga una man gihapon igabutang sa DOST iya sa Provincial Capitol Compound.

Suno kay Jairus Lachica, Provincial Director it DOST-Aklan, ro Provincial Packaging and Labeling Center, sa pakig-kooperar sa Aklan Food Producers Development Cooperative (AFPDC), hay magatao it serbisyo sa pagpakete sa masarangan nga bayad sa mga Micro, Small and Medium Enterprises (MSMEs) sa Aklan agud nga makatuga it mayad-ayad nga pagputos o pag ‘pakage’ it mga produkto ag mangin mas mabakae sa publiko.

Ro Provincial Metrology Center, sa pihak nga parte, hay gin-establisar katuwang ro Aklan State University (ASU) agud mabuligan man ro mga lokal nga negosyante sa Aklan ag mga MSMEs sa pagkalibrar it andang mga kilohan.

Gintambungan ro paglunsar it daywang ka center nanday Governor Carlito Marquez, Presidente it ASU Dr. Benny a. Palma, Presidente it AFPDC Roselita Sauza ag mga katapu it AFPDC.

Sa anang mensahe, ginpaabot ni Lachica it DOST-Aklan nga bangud sa pagproklamar it isla it Boracay bilang pinakamayad-ayad nga "beach" sa bilog nga kalibutan, dapat hay pamayad-ayaron man ro pagputos it mga proodukto it Aklan agud makasukoe man sa ibang mga produkto nga bukon it himo sa Aklan pero ginabaligya idto.

Ro anang hambae hay ginkumpormihan man ni Roselita Sauza, nga naghambae man nga bangud sa packaging center, ma-apresyar eon it mga turista ro produckto halin sa Aklan ag imaw ro andang daehon sa anda kon mag-uli ag bukon it mga produkto nga halin sa ibang probinsya nga ginbakae bangud mayad ro sueudlan ag maeumo mabitbit.

Sa anang parte, ginhambae ni Governor Carlito Marquez nga ro mayag nga "packaging ag labeling" it mga produkto it Aklan hay mayad nga butang bangud magapabuhay ra sa produkto ag sa kalidad kara.

Makabulig man, suno kana ro mayad nga pagputos it mga produkto sa mga negosyante ag "entrepreneurs" nga imaw ro nagasuporta ku atong ekonomiya. (JSC/VGV-PIA6 Aklan)