Aklanon News: BIR magalunsar it kampanya sa pagbayad it buhis

KALIBO, Aklan, Pebrero 23 (PIA 6) --  Ro Bureau of Internal Revenue (BIR) iya sa probinsya it Aklan hay magalunsar it sangka kampanya sa husto nga pagbayad it buhis sa Pebrero 24 paagi sa sangka tax caravan nga magaadto sa tatlong mga kabanwahunan.
 
Suno  kay Ma. Elaine M. Tirazona, BIR-Aklan Information Officer, ro caravan hay maga umpisa sa Banga, sambilog sa mga banwa sa Aklan nga mataas ro pag koleksyon it buhis paadto sa Kalibo ag Numancia ag pabalik sa Kalibo.
 
Ro mga maga-entra nga mga grupo hay magatipon anay sa Banga Public Plaza.
 
Sa anang parte, si BIR-Aklan Chief Ricardo J. Osorio hay nagpangkangay man sa mga ahensya it gobyerno ag sa pribado nga sektor nga mag-entra sa kampanya para sa pagbayad it buhis.
 
Euwas sa tax caravan, ginsugid man ni Osorio nga ro BIR hay magapatigayon man it sangka press conference kaibahan si BIR Regional Director Romulo L. Aguila, Jr. sa BIR District Office sa Pebrero 24 kaibahan ro lokal nga media sa Aklan.
 
Ro tema it makarong pagkampanya sa hustong pagbayad it buhis hay “I Love Philippines, I Pay Taxes”, nga santo makaron sa handum it BIR nga mka kolekta it hustong buhis agud may igasto sa mga programa ag obligasyon para sa mas mayad-ayad nga nasyon.
 
Samtang, an-um nga mga “top taxpayers” sa Aklan ro hapadunggan kurundaya eamang it BIR Region 6 sa ginhiwat nga aktibidad nga ginhiwat sa Activity Center it SM City bilang kaparte it kampanya sa husto nga pagbayad it buhis.
 
Raya hay rong Boracay Island Water Company, Inc. halin sa isla it Boracay, Aklan Electric Cooperative, Inc. halin sa Lezo, ag Hennan Hotel Management (Boracay Regency Beach Resort) halin sa Boracay sa top taxpayers nga kategorya; ag Federico Jarantilla, Jr. it Seawind Boracay; George F. Rovero (G. F. Rovero Merchandising) it Bulwang, Numancia, ag Estate ni Wilfredo Gelito (Willy’s Place) Boracay, bilang top individual taxpayers.  (JSC/VGV-PIA 6 Aklan)
 

• Notices
• PCDSPO
• Speeches

News from the Regions

PIA eMagazines