Hiligaynon News: DBM magapartisipar sa OGP conference para sa mas maayo nga pang-gobyerno

By Edson J. Banares

Tuesday 17th of April 2012

MANILA, Abril 17 (PIA) -- Bilang kabahin sa pagduso sang participatory governance kag pagpadaku sang civil society engagement, ang Department of Budget and Management (DBM) ang magapartisipar sa ika-duha nga Annual Open Government Partnership (OGP) Conference humalin sa Abril 17 asta 18 sa Brasilia, Brazil.

Ginpabutyag ni Budget and Management Secretary Florencio B. Abad nga ang OGP Conference ang magahatag sa ila sang lugar para makipagbaylo sang mga mayor nga ideya nga magkalampuwas pa sa participatory governance kag pinaagi diri mapabaskug pa gid nila ang ila panindugan sa transparency, kag accountable kag epektibo na pang gobyerno.

Walo ka delegado halin sa DBM kon sa diin pito diri ang bug-os nga ginsuportahan sang World Bank grant ang maga-intra upod sa ginatos nga iban pa nga mga representante humalin sa 50 ka pungsod sa OGP Conference.

Ginhambal pa ni Abad nga ang konperensya ang magahatag sa aton sang kahigayunan nga makatuon sa mga kaupod ta sa bug-os nga pungsod kag magahatag man ini sang oportunidad sa pagpakigbahin sa iban sang labing maayo nga mga binuhatan sa accountable governance sa internasyonal nga mga manugpalamati, kasubong man diri ang aton nga blueprint para sa pagtuga sang malapad nga lugar para sa civic kag public participation humalin sa pinasahi nga Pilipino nga handurawan.

Gindugang pa ni Abad nga ang gobyerno ang indi na pwede ka siling nga nahibal-an sini kon paano masmaayo sulbaron ang tanan nga problema nasyonal sang sa iban kag sa kamatuoran, ang mga kaupod naton sa pribado nga sector kag sa civil society ang nakaposisyon sang maayo para maghatag sang mahalalon nga ihibalo sa panghimanwa, ilabi sa tanan sa pagbulig sa pagpaumwad sang ekonomiya, pagbato sa korapsyon, kag kapigaduhon.

Ang OGP ang isa ka multilateral nga inisyatibo nga nagapaseguro sang mga commitments sang nagapasakup nga mga kapungsuran para sa pagduso sang transparency, pagpabaskug sang mga pumoluyo, pagbato sa korapsyon, kag paggamit sang mga bago nga teknolohiya sa pagpabaskug sang panghimanwa. (JSC/EJB-PIA 6)