Hiligaynon news: Paghatag sang mga benepisyo sa taga PAGASA magapadayon

By Jaime S. Cabag, Jr.

Friday 13th of July 2012

MANILA, July 13 (PIA) -- Nagpasalig ang Malacanang nga ang gobyerno ang padayon nga magahatag sang dugang nga mga benepisyo para sa mga eksperto sa siyensya kag teknolohiya sa Pagasa.

Ini ang santo sa ginasaad sa Magna Carta para sa mga scientists, engineers, researchers kag iban nga mga technology personnel sa gobyerno. Ang Magna Carta ang kilala man bilang Republic Act No. 8439.

Ini ang kabahin sang pahayag nga ginhimo ni Deputy Presidential Spokesperson sa isa press briefing sa Malacanang agud nga ipaathag nga ang mga benepisyo ang ginpauntat sadto bangod sang kakulang sang pundo sang nasambit nga weather bureau para sa nasambit nga bagay.

Ang Pagasa ukon weather bureau amo ang Philippine Atmospheric, Geophysical anD Astronomical Services Administration.

Kalakip sa mga benepisyo nga ginsuspinde bangod sang kakulang sa pundo amo ang hazard kag longevity pay sang mga empleado.

Ginpahayag ni Valte nga ang Department of Budget and Management (DBM) ang nagahimo na sang nagakaigo nga mga tikang agud masayran ang kantidad sang savings sng ahensya, kon sa diin ini ang basehan sa paghatag sang hazard pay sugod bulan sang Marso sang sini nga tuig.

Ginsiling man ni Valte nga ginpahibalo sia sang DOST nga nagpakigsapul na ang mga opisyal sang PAGASA kag DBM tuhoy diri.

Ang ini nga mga benepisyo nagalakip sang subsistence allowance nga P160 kada adlaw, hazard pay nga balor 15 porsyento sang sueldo, kag longevity pay. (JCL/JSC-PIA6)