Hiligaynon News: OFWs ginpanugyanan nga magpa-process sang ila papeles gilayon

MANILA, Dis. 5 (PIA) -- Ginpanugyan ni Philippine Overseas Employment Administration (POEA) Administrator Carlos S. Cao Jr. ang mga Overseas Filipino Workers (OFW) nga nagapauli sa pungsod agud magbakasyon para sa paskua nga ipa-process nila sa gilayon ukon sa mas temprano ang ila mga overseas employment certificate ukon travel exit clearance sa pag-abot nila kag indi na paghulaton pa nga himuon nila ini pagkatapos sang Christmas ukon New Year.

Ini, suno kay Cao, agud nga makalikaw sila sa malaba nga pilahay para makakuha sang sini nga mga dokumento sa Balik-Manggagawa Processing Center didto sa Metro Manila.

Ginsuhistyon man sa mga OFW sang pinuno sang POEA nga maggawad sang ila exit clearance gikan sa Philippine Overseas Labor Office (POLO) nga malapit sa ila gina-obrahan sa luas sang pungsod antes ini sila ang magtulak pauli sa Pilipinas.

Sa bahin sang mga OFWs nga yara sa kaprobinsyahanan, ang exit clearance ang sarang nila makuha sa rehiyonal ukon mayor nga mga talatapan sang POEA nga malapit sa ila natungdan nga mga duog.

Isa sa sining mga talatapan nga gintumod sang POEA amo ang ila regional office diri sa syudad sang Iloilo. Nalakip man sa listahan sang POEA ang ila talatapan sa Bacolod City.

Ginsiling man ni Cao nga mahimo man magamit sang natungdan nga mga OFW ang OEC Courier System nga online paagi sa http://www.citizenservices.com.ph/poea.(JCM/JSC/PIA6)

• Notices
• PCDSPO
• Speeches

News from the Regions

PIA eMagazines