Hiligaynon news: Aquino, NEDA board nag-aprobar na sang pagpatindog sang bag-o nga mga airport

Wednesday 5th of September 2012

MANILA, Sept 5 (PIA) -- President Benigno S. Aquino III kag ang National Economic and Development Authority (NEDA) board nag-aprobar sang Martes sang pagpatindog sang Bicol International Airport nga proyekto kag ang Bohol International (Panglao) Airport Development nga proyekto.

Ang P4.7 bilyones nga Bicol International project sa Daraga, Albay amo ang magabulos sang karon nga Legazpi Airport, suno sa kay Secretary Ramon Carandang sang Presidential Communications Development and Strategic Planning Office sa isa ka media briefing sa Malacanang..

Ang una nga plano amo ang pagpalapad tani sang Legazpi Airport apang suno kay Carandang nga may bukid nga nagabalabag sa mga eroplano samtang manuhugpa ini gani ang mga nagaplano nagpamat-ud sa pagpangita sang bag-o nga lokasyon.

Ang Department of Transportation and Communication naghimo sang isa ka pagtuon ang nagadiskubre nga mas barato ang pagsaylo sa Daraga kaysa pagbakbak sang bukid nga magabili sang mga P3 bilyones.

Ang isa pa ka bagay kay ang pasilidad sang airport maayo nga propyedad, gani ini sarang mabaligya kag sarang magamit ang pundo para sa panggasto sa pagsaylo, siling ni Carandang.

Ang P8-billion nga bag-o nga New Bohol (Panglao) Airport Development nga proyekto sa pihak nga bahin, kun matukod na ginapa-abot nga makaduso sang pag-uswag kay mas madamu ang mga negosyo kag mas madamu nga mga turista ang magakadto sa rehiyon sang Bisayas.

Wala labot sa mga pagpatindog sang mga bag-o nga airport, ang NEDA board nag-aprobar man sang Light Rail Transit Line 2 East Extension nga proyekto kag ang pagbakal sang 52 kag mga bag-o nga tren sang Metro Rail Transit (MRT).

Sa idalum sang P9.7 bilyones nga LRT Line 2 East Extension nga proyekto, isa ka 4.19-ka kilometyo nga extension ang pagapatindugon halin sa subong nga Santolan Station tubtub Masinag Junction.

Duha pa ka dugang nga mga estasyon ang pagapatindugon sa Emerald Drive sa Cainta, kag Masinag Junction sa siyudad sang Antipolo . (as/JCM/PIA6))