Hiligaynon news: PhilHealth magasakup sa mga kaso sang leptospirosis sa mga lugar nga ginbaha-an

By Atty. Ma. Janet C. Mesa

Wednesday 15th of August 2012

MANILA, Agosto 15 (PIA) -- Ang Philippine Health Insurance Corp. (PhilHealth) magasakup sa mga kaso sang leptospirosis sa mga lugar nga nabaha-an agud mahagan-hagan ang kabudlay sang mga imul nga mga komunidad siling sang Malacanang sang Martes.

Sa mga naapektuhan sang baha, sugod sang Agosto 7, ang tanan nga ginpasulod sa ospital sang mga indi komplikado nga leptospirosis mangin P11,000 para sa tanan nga klase sang mga myembro, suno sa kay Deputy Presidential Spokesperson Abigail Valte sa is ka press briefing sang Tuesday.

Ang PhilHealth nagapatigayon man sang “no balance billing policy” sa pagsakup sang Leptospirosis labi nagid sa mga programa nga gina-sponsor sang PhilHealth.

Para sa mga indi myembro sang PhilHealth nga nagmasakit sang leptospirosis sa mga lugar nga may kalamidad, si, Valte nagsiling nga guilayon ipasudlon sila bilang mga myembro nga gina-sponsor sang PhilHealth kag pagataga-an sang mga benepisyo.

Indi na pagbaydan ang premium kag ang pagka-balido sang pagka-myembro sugod halin Agosto 1, 2012 tubtub Hulyo 31 of 2013 siling ni Valte.

Ini amo ang masolbar sang problema sang mga indi myembro sang PhilHealth nga mga imul nga naapektuhan sang baha kung maduktan sila nang Leptospirosis. Sila masakup gilayon kag ma-lista sa PhilHealth suno kay Valte.

Ang pag-file sang ginakinahanglan nga mga benepisyo sang mga myembro kag mga salaguron sang mga myembro sang PhilHealth ginpalawig tubtub 120 ka mga adlaw para sa mga nagwa sa ospital sugod sang Hunyo 8 tubtub Agosto 21, 2012.

Sa mga na-accredit nga mga institutional healthcare providers nga ang mga claim na-apektuhan sang naligad nga baha, ginlaygayan sila nga makig-angot sila sa ila mga lokal nga health insurance nga opisina sang PhilHealth para sa ginakinahanglan nga bulig suno kay Valte.

Mga institusyon sa Healthcare nga nagapabayad sang pagbulong kag iban pa nga mga serbisyo nga ginakonsiderar nga emerhensya sarang mabaydan sang non-accredited nga mga pasilidad sang PhilHealth accredited sila sang Department of Health.

Si Valte nagsiling nga ang deadline sa pagbayad sang premiums ginpalawig tubtub Agosto 17, 2012. Ini para sa pormal nga sector ukon ang mga may trabaho nga mga myembro sang PhilHealth.

Ang Leptospirosis isa ka masakit nga tuga sang bacteria nga naga-apekto sang mga tawo kag mga sapat, suno sa Center for Disease Control and Prevention (CDC).

Ini ginatuga sang bacteria sang genus Leptospira. Ini makatuga sang malapad nga klase sang mga simtoma, nga iban sini sarang masal-an sa iban pa nga masakit.

Kung ini indi mabulong, ang leptospirosis sarang maka-apekto sa pag-guba sang kidney, meningitis (inflammation of the membrane around the brain aongnd spinal cord), sakit sa atay, respiratory distress, kag maskin sa kamatayon suno sa CDC(as/JCM-PIA6)