Hiligaynon news: Direktiba sang Malacanang sa pag-“laymanize” sang mga termino sa panahon ginapatigayon

Wednesday 15th of August 2012

MANILA, Agosto 15 (PIA6) -- Ang Malacanang nagsiling nga ang gobyerno nagapatigayon subong sang direktiba ni Presidente Benigno S. Aquino III sa Philippine Atmospheric, Geophysical and Astronomical Services Administration (PAGASA) sa paggamit sang “layman-friendly” nga mga termino sa ila mga balita sa panahon agud mahapos nga maintindihan sang mga tawo kag mapresentar ang kondisyon sang panahon kag maka-pangaman sa mga kahalitan nga madala sini.

Sa ias ka press briefing sa Malacanang, sang Martes, si Deputy Presidential Spokesperson Abigail Valte nagsiling nga ang Presidente nagdayaw sang PAGASA sa pagpatigayon sang ila responsibilidad sa pagpahibalo sang publiko kada oras sang kondisyon sang panahon labi nagid sang mga nagadisturbo sang panahon.

Suno kay Valte ang Presidente nagdayaw sa DOST-PAG-ASA sa ila pagpaniguha sa paghatag sang pinaka-ulihi nga balita sa panahon kag sa pagpalapnag sini halin pa sang is aka semana. Ang Presidente naghingyo man sa ila sa pag “lamanize” sang mga weather advisories.

Nakita na ini nga natabo sang nagligad nga semina. May mga kabalaka nahanungud sa mga sinyales sa pag-ulan. Sang una yellow, green kag pula kag may mga reaksyon sa publiko labi nagid sang mga social networking sites nga ginpadala sa amon kay ang green nagapahiwatig sang kalinong kag indi tama gani ginkambiohan ini sang isa ka semana siling ni Valte.

Gani sa subong, ini yellow, orange kag pula. Padayon kita nagatrabaho upod sa DOST-PAGASA sa pag laymanize sang ila update sang panahon sun okay Valte .

Suno sa direktiba sang Ehekutibo, ang PAGASA nagsiling nga sila magagamit sang simple nga mga termino sa ila nga mga balita sa panahon. Si Valte nagdugang nga ang ahensya magalikaw sa paggamit sang mga indi kinahanglan nga mga termino teknikal.

Ang DOST- PAGASA nagpaseguro sa publiko nga ang pagpresentar sang balita kada oras, labi nagid sa kadamu-on sang ulan madali maintindihan sang mga ordinario nga tawo. Ini nagsiling man nga ini nga mga balita indi lang magpahibalo sa mga tawo kag sa pagdamit man sa possible nga mga epekto sa sini nga mga kondisyon sang panahon. (jcm/JCM/PIA6)