Hiligaynon news: Presidente para sa responsible parenthood

By Atty. Ma. Janet C. Mesa

Tuesday 7th of August 2012

MANILA, Agosto 7 (PIA6) – Si President Benigno S. Aquino III nagapamalabag sa abortion kag indi eksaksto ang ginasiling sang mga grupo nga nagapamatuk sa Reproductive Health (RH) bill, nga siya wala nagahatag sang bili sa kabuhi kag sa dignidad sang kada tawo, suno sa isa ka opisyal sang Malacanang sang Lunes.

Ang Presidente wala nagasugot sa abortion. Iindi husto nga ipormasyon ang nagalibot nga ang Presidente para sa abortion suno kay Presidential Spokesperson Edwin Lacierda sa isa ka regular nga press briefing sa Malacanang.

Ang President nagaduso sang responsable nga pagplano sang pamilya nga ginpaproponir agud mahatagan ang mga tawo sang tama nga impormasyon nahanungud sang pagplano sang pamilya agud makalab-ot sila sang maayo nga desisyon kung ano ka daku ang ila pamilya suno sa kay Lacierda.

Si Lacierda nagsiling nga ang Presidente nakapahayag na sang iya lima ka punto nga posisyon sa responsable nga pagplano sang pamilya.

Suno kay Lacierda nga gusto sang Presidente nga magtukod sang sentro para sa natural nga pagplano sang pamilya agud mahagan-hagan ang kulba nga ang Presidente nagpili na sang isa ka panindugan. Ini isa ka desisyon sa mga tawo, sa mga ginikanan sa pagpili.

Una nga dapat sila pahibalu-on sa paagi kag metodo sang pagplano sang pamilya kag ang gobyerno magabulig sa ila.
Dugang ni Lacierda nga dapat mahibalu-an sang publiko nga wala sang may ginpili ang Presidente. Apag dapat mapahibalo ang publiko kung paano magplano sang pamilya.
Si Lacierda nagpaseguro sa publiko nga ang Presidente nagkonsiderar gid sang mga kabalaka sang mga Obispo sang iya ginduso ang Responsible Parenthood bill sa Kongreso. (js/JCM/Pia6)