Hiligaynon news: Gobyerno nasyonal dapat mag-ugyon sa gobyerno lokal sa pagsabat sa padayon nga baha

MANILA, Aug. 1 (PIA) -- Ang Malacanang naghingyo sa gobyerno lokal sa pag-ugyon sa gobyerno nasyonal agud mapatigayon ang programa sa pagkontrolar sang baha para sa benepisyo sang mga Pilipino.

Pila ka mga pagkabalaka ang ginpasaka sa sini nga semana samtang ang bagyo “Gener” nagtuga sang baha sa madamu nga mga lugar, nga ang iban nagbasol sa padayon nga pagkaayo sang mga dalan, wala sapayan nga sugod na ang maulanon nga panahon. Ang iban naghingyo sa gobyerno nga ipatigayon ang mas epektibo nga programa sa pagkontrolar sa baha sang Department of Public Works and Highways (DPWH).

Suno sa kay Deputy Presidential spokesperson Abigail Valte sa isa ka press briefing sa Malacanang nga nag-inspeksyon na ang Presidente sa una sa sistema sang suba sang Pasig agud ma-tsekyar ang progreso sini. May mga pagtuon na kay may mga solusyon sa malip-ot nga panahon kag ang Presidente kumporme gid. Ugaling ang DPWH bukas sa pag-upod sang mga gobyerno lokal kung ano ang dapat himuon.

Si Valte nagsiling man nga ang pag-drege sang sistema sa suba indi lang ang amo nga solusyon sa problema kundi dapat magtrabaho sila upod sa DPWH agud masabat ang pagbaha.

Ang Palasyo nag-apilar man sa publiko sa pagbulig limpio kag sa pagtatap sang ila palibot agud indi magdugang sa problema sa pagbaha sa pungsod labi nagid sa mga siyudad.

Ang problema sa kalimpio isa man sa ginakabalak-an. Dapat padayon nga maayo ang pagpatuman sang mga laye sa sanitasyon kag bilang hingyo sa publiko nga dapat bantayan ang palibo agud indi madugangan ang mga subong sini nga pagkambio-kambio sang panahon suno kay Valte. (as/JCM-PIA6)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines