Hiligaynon news: Imbestigasyon sa ginbalita nga kakulang sang LPG padayon; DOE magapaseguro nga bastante ang suplay

MANILA, Hulyo 30 (PIA) -- Ang Malacanang nagsiling sang damlag lang nga ang Department of Energy (DOE) magapaseguro nga bastante ang suplay sang gas sa pangluto kag nagsiling nga ang DOE naga-atender na sa balita nga kuno kulang ang liquefied petroleum gas (LPG).

Ang Liquefied Petroleum Gas Marketers Association (LPGMA) nagkumpirma sa sini kay sang isa ka semana may kulang bangud sa pagpaniguha sang iban nga mga suppliers sa paghawid sang ila mga inventory tubtub may pagkambio sa presyo.

Suno sa kay Deputy Presidential Spokesperson Abigail Valte sa isa ka interbyu sa dzRB Radyo ng Bayan nga sa iya padumdum, nagsabat ang DOE nga sila nagatrabaho indi lang upod sang mga asosasyon sang mga marketers apang upod sa iban pa nga mga stakeholders agud mapaseguro nga wala sanf amo sini nga sitwasyon nga matabo

Sang isa man ka semana, si Energy Secretary Jose Rene D. Almendras nagpaseguro nga may bastante nga suplay sang LPG sa merkado kag ginhimutig niya nga may kakulangan sang LGP nga gintuga sang iban nga mga manuhampang sa merkado.

Si Almendras nagsiling man nga ang ginakunokuno nga kakulang bangud sa “overdrawing” sang magagmay nga mga players.
Sa sini nga bagay, ang hepe sang DOE nagsiling nga isa ka hubon sang DOE ang gintuga agud mag-imbestigar sa sini nga bagay.

Si Almendras nagtudlo man nga ang problema indi bangud sa suplay kundi ang mga refilling nga mga estasyon nga gusto magbakal sang madamu bangud sang gin-anunsyo nga pagsaka sang presyo sa madason nga bulan.
Samtang mga balita sa atrasado nga pag-ship sang LPG para sa magagmay nga mga players, si Almendars nagnotar nga ang suplay halin sa dalagku nga mga players estable. Ang DOE maga-imbestigar man sang atrasado nga pagpadala sang LPG shipment. (as/JCM/PIA6)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines