Hiligaynon news: Sin tax reform bill makapabaskug sang sistema sa ikaayong lawas

MANILA, Hulyo 19 (PIA) -- Ang Malacanang nagsiling nga ang pagpasar sang sin tax reform bill makapabaskug sa ulihi sang sistema sa pagtatap sa ikaayong lawas bangud ang mga buhis nga ginakolekta halin sa sigarilyo kag ilimnon ginapa-abot nga magapundo sa pinasangkad nga universal healthcare coverage.

Suno sa kay Presidential Spokesperson Edwin Lacierda, kun palaparon ang masakop sang health coverage, ini amo ang Z package. May pila ka mga packages nga ginatanyag ang DOH. Ginapa-aobt sang Malacanang nga kung papasaron ang ginaproponir nga sin tax reform nga hagna nga mangin laye, ang kita halin sini nga partikular nga laye sarang magamit para sa universal healthcare coverage. Ginapa-abot nga mas madamu nga benepisaryo kag mga myembro ang masakup sa sini nga coverage.

Ang administrasyon Aquino nagatuyo sa paglab-ot sang universal health care sa 2016 kung sa diin 100 milyon nga mga Pilipino ang nalista na sa Philippine Health Insurance Corporation (PhilHealth).

May mga balita nga ang tanan nga mga ospital sang gobyerno magadula sang ila mga charity wards sa madason nga tuig sa pagpalapad sang healthcare coverage para sa mga imul nga pamilya.

Ang PhilHealth magapataas man sang ila nga premium halin P100 tubtub P200 kada bulan sugod sa sini nga bulan. Apang ang gusto nga makahimulos sang P100 premium kada bulan dapat magpalista sa Hunyo kag magbayad sang nagaka-angay nga premium.

Si President Benigno S. Aquino III nag-sertipika sang ginaproponir nga sin tax reform nga hagna nga ginadali-an. Ang mga kita halin sa pag-kolekta sang sin taxes pagagamiton sa pagpundo sang universal health care, kag sa mga programa sa palangabuhi-an para sa mga manugtanum sang tabako.

Ang Kongreso nag-aprobar sang HB 5727 ukon ang sin tax reform nga hagana, apang ang Senado wala pa maka-aprobar sang katulad nga hagna. (As/JCM-PIA6)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines