Hiligaynon news: DFA, COMELEC magapirma MOA sa pagtukod sang sentro sang rehistrasyon sa OAV

Sunday 1st of July 2012

MANILA, Hulyo 1 (PIA6) -- Ang Department of Foreign Affairs (DFA) kag ang Commission on Elections (COMELEC) natalana sa pagpirmahanay sang isa ka Memorandum of Agreement (MOA) sa Hulyo 2 sa pagtukod sang Overseas Absentee Voting (OAV) nga sentro sang rehistrasyon sa ika-duha nga panalgan, Courtesy Lane Section sang DFA office of Consular Affairs (DFA-OCA), ASEANA Business Park, Macapagal Ave. Corner Bradco Ave. Tambo, siyudad sang Parañaque.

Ang Overseas Absentee Voting Secretariat sang DFA (DFA-OAVS) upod sa COMELEC ara na subong sa pang-ulihi nga mga preparasyon para sa OAV nga rehistrasyon nga magatapos sini nga Octobre 2012. Ang kabilugan nga preparasyon magasugod sa pagbukas sang COMELEC-DFA-OAVS-OCA OAV nga sentro sa rehistrasyon kag ginapa-abot nga maghingyo sa mas madamu nga mga overseas Filipino workers (OFWs) agud magpartisipar sa eleksyon kag magpatigayon sang ila kinamatarung sa pagboto.

Sa subong may mga 88,500 ka mga Pilipino ang narehistro sa nakalain-lain nga mga misyon diplomatiko sang Pilipinas bilang mga absentee nga mga botante. Mga OAV nga sentro sang rehistrasyon sa Pilipinas (CFO kag NAIA terminals 1 kag 2, POEA, OWWA, JMV/AMOSUP) sa pihak nga bahin may kabilugan nga total sang 72,653 nga mga bag-o nga manug-guwa halin sang ila pagbukas sang Pebrero, Marso, Abril kag Hunyo 2012. Ini nagadala sang kabilugan nga bag-o nga OAV nga mga nagrehistro sa 161,153.

Ang DFA-OAVs nagapa-abot nga sa pagbukas sang PTC-OAV nga pre-deployment nga sentro sang rehistration kag sa pag-lunsar sang OAV nga pasilisad sa DFA-OCA, ang partisipasyon sang aton mga kasimanwa sa eleksyon magadugang gid kaayo. (DFA/JCM/PIA6)