Hiligaynon news: Palasyo nagapa-abot nga mapasar ang Financial Action Task Force

By Atty. Ma. Janet C. Mesa

Saturday 9th of June 2012

MANILA, Hunyo 9 (PIA) -- Ang Malacanang nagapa-abot nga ang duha ka mga hagna nga may kaangtanan sa money laundering sang Senado mangin bastante na sa pagsunod sa Financial Action Task Force (FATF) para sa pungsod agud malikawan ang pag blacklist sang pangkalibutanon nga organisasyon.

Ang Senadp nag-aprobar sang sini lang sang ikatlo kag katapusan nga pagbasa sang ginaproponir nga hagna, ang Senate Bill 3127 or the Terrorism Financing Prevention and Suppression Act of 2012, nga magatugot sang mga otoridad sa pagtan-aw kag pag freeze sang mga suspetsado nga mga terrorista wala sapayan nga wala sang order halin sa korte.

SB 3127 ang naga amendar sang Republic Act 9160 ukon ang Anti-Money Laundering Act of 2001 nga nagasiling nga ang Anti-Money Laundering Council gina otorisar sa pag-freeze sang mga deposito kung may kumpirmasyon lang sang probable cause. Ang mga gin-amendar nagasakup man sang pagpundo sa mga terrorista.

Ang Senado kinahanglan magpasa sang hagna agud ang Pilipinas indi ma blacklist sang Financial Action Task Force (FATF).

Ang FATF, isa ka inter-governmental body nga na base sa Paris nga nagaduso sang mga polisiya batok sa money laundering kag pagpundo sa mga terrorista magatu-on sang away sang pungsod batok sa money laundering halin Hunyo 18 – 22.

Ang executive director sang Anti-Money Laundering Council Vicente Aquino magakadto sa Paris agud magpa-athag sang posisyon sang Piliinas suno sa kay Presidential Spokesman Edwin Lacierda sa isa ka press conference sa Malacanang.

Si Aquino magapa-athag man sang pagpasar sang duha ka mga hagna kag sang pagsalig sang bag-o lang natapos nga impeachment trial sang Supreme Court Chief Justice.

Ang hagna nagatugot sa gobyerno sa paglagas sang mga tawo nga nasakup sa aktibidades sang mga pangkalibutan nga mga terorista.. Ini nagahatag man poder sa gobyerno base sa prinsipiyo sa pagbaslanay, sa pagkonsiderar sang International Convention for the Suppression of the Financing of Terrorism bilang legal nga basihan sa pagpangayo ukon sa paghatag sang extradition tuhoy sa mga kasal-anan nga nasakup sa sini nga laye. (as/JCM-PIA6)