Hiligaynon News: Malacanang nagpa-andam batok sa pagsukot sang ilegal nga mga balayran

MANILA, Hunyo 4 (PIA) -- Ang Malacanang nagliwat sang paandam nga ang mga ginikanan sang mga estudyante sa kindergarten tubtub sa Grade IV indi dapat pagsukton sang maskin ano nga balayran suno sa mandu sang Department of Education.

Sa isa ka press briefing nga ginbantala sa dzRB Radyo ng Bayan, si Deputy Presidential Spokesperson nagsiling nga ang empleyado, iya man sang eskwelahan ukon sang Parent-Teachers Association, nga madakpan nga nagasu-ay sini nga mandu pagasilutan.

Suno sa kay Valte nga wala dapat sang ginasukot sa mga estudyante halin sa Kinder tubtub sa Grade IV sa maskin ano nga panahon sa bilog nga tuig.

Ugaling dugang ni Valte nga may mga balayran katulad sang para sa Boy Scouts, Girls Scouts, Philippine National Red Cross, pahayagan sang eskwelahan, anti-TB fund drive kag ang PTA, sarang makolekta sa boluntad nga paagi halin sa mga estudyante sa Grade V tubtub Fourth Year sa high school.

Gindagmit ni Valte nga ang indi pagbayad sang mga estudyante sang sini nga mga boluntaryo nga mga balayran indi rason sang ila indi pagbaton sa eskwelahan, indi pagkapasar ukon indi pagtagaan sang clearance.

Dugang ni Valte nga ang mga PTA nga nagapamilit sa pagbayad, mawad-an sang ila pagkilala sa eskwelahan. Ang mga tinawo naman sang eskwelahan nga nagapamilit man sini nga indi pagbaton bangud sa wala makabayad pagasilutan sang DepEd. (rck/JCM-PIA 6)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines