Hiligaynon news: Gobyerno preparado sa pagbulig sa mga nagaprodukto sang saging

By Atty. Ma. Janet C. Mesa

Monday 28th of May 2012

MANILA, Mayo 28 (PIA6) -- Ang gobyerno nagadihon sang isa ka pat-ud nga plano sa pagbulig sang mga nagaprodukto sang saging nga na-apektuhan sa indi pag-intindihanay sa People’s Republic of China(PROC) ang magapagwa sang plano sa madason nga semana.

Sa isa ka regular nga press briefing sa Malacanang si Presidential spokesman Edwin Lacierda nagsiling nga ang Presidente nakigkita sa mga ahensya sang gobyerno nga naga-uyat sang isyu sa saging.

Ang aton saging sa China may 30 porsyento sang aton nga merkado. Sa subong ang aton posisyon amo nga dapat palaparon naton ang aton merkado. Sa subong dapat naton taga-an sang bulig ang aton nga mga nagaprodukto sang saging.

Ang detalya sa pagbulig sang mga naga-produkto iga-finalize kag ang Presidente mandu sang iya hubon sa ekonomiya, ang mga ahensya sang gobyerno magadihon sa ika ka pat-ud nga plano sa madason nga semana, suno kay Lacierda.
Si Lacierda nagpahayag man nga indi tanan nga naga produkto sang saging ang naga-antus sang estrikto nga mga talamdan sang quarantine nga ginapatigayon sang mga Intsik batuk sa ginasiling sang mga export associations.

Ang Pilipinas isa sa mga pinakadaku nga naga-export sang saging nga ginaprodukto sa Mindanao. Ang mga mayor nga merkado nagasakup sang Japan, South Korea, PROC kagNew Zealand. Sa 2010, ang kabilugan nga export nga kita para sa preska nga Cavendish nga saging mga $720 milyon.

Ang PROC amo ang ika-duha nga pinaka-daku nga ginapadal-an sang aton saging, kasunod sa Japan. Ang mga datus nagapakita nga sang Pedbrero 2012, ang saging nga ginpadala sa the PROC may 19 porsyento sa sulod sang una nga duha ka bulan sa sini nga tuig.. (as/JCM/PIA6)