Masbatenyo news: Masbate doble an selebrasyon buwas

SIYUDAD SAN MASBATE, Hunyo 11 (PIA) –- Doble an pagahiwaton na selebrasyon buwas san siyudad san Masbate kay apwera san pakig-isad san Masbate sa ika-114 na selebrasyon san Araw ng Kalayaan san Pilipinas, ipaga selebrar man an bisperas sa kapiyestahan san siyudad.

Maylabot pa sani, preparado na an libo-libo na tawo, kaupod didi an mga estudyante, mga trabahador sa gobyerno kag pribado na indibibwal sa flag-raising ceremony na pagahiwaton sa atubangan san Kapitolyo sa siyudad.

Matapos an nasambit na seremonya, paga sundan dayon ini sa isad na parade na kun-diin may dara-dara na flaglets an libo-libo na partisipante na magatalibud sa kabisera buwas na aga.

Sa hapon naman paga himuon san gobyerno siyudad an cultural activities na guin preparar sani bilang selebrasyon san bisperas sa tuig-tuig na religious festivity sa siyudad. (RAL-PIA Masbate)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines