Masbateno News: TESDA magahatag san seminal na pagtutukdo teknikal sa mga estudyante sa Masbate

By Rogelio Lazaro

Thursday 7th of June 2012

SIYUDAD SAN MASBATE, Hunyo 7 (PIA) -- Apwera sa paghimo san inda mga homework, may iba na pagahimuon an mga brayt na estudyante sa Masbate na inda paga tagaan san panahon sa adlaw san Sabado kag Domingo.

Ang mga brayt na estudyante sa kinder, elementarya kag hayskul paga tagaan san libre na katukduan na maga pauswag sa inda talento sa baking, cooking, food and beverage services, dancing, singing, musical instruments, swimming, taekwondo, kag converstional English.

Segun kan Masbate Provincial Information Officer Merien Cervantes, naging produktibo an irog sani na workshop na guin hiwat san nakaligad na bakasyon kaya napagdesisyunan ni Governor Rizalina Seachon-Lanete kag san Technical Education and Skills Development Authority na tumanon an hangyo san mga guinikanan.

Guin hangyo segun kan Esber san mga guinikanan na ipadayon an paghiwat san workshop sa adlaw san Sabado kag Domingo agod padayon na maging produktibo kag makapa-uswag pa an talento san kabataan an mga adlaw na waran sinda san klase.

Segun pa kan Esber, ang gobyerno probinsiyal an manabat sa gastos san workshop mientras an TESDA naman an maga manihar sa workshop. (RAL-PIA 5, Masbate)