Ilocano news: Nakikaddua ti DSWD 1 a nangikampanya ti Free HIV Voluntary Counseling ken Testing

Monday 4th of June 2012

SIUDAD TI SAN FERNANDO, La Union, Hunio 4 (PIA) -- Nakikaddua ti Department of Social Welfare and Development (DSWD) Field Office 1 iti City Health Office – Social Hygiene Clinic ditoy siudad a nangikampanya itay nabiit maipanggep ti HIV wenno human immune virus para ti libre a HIV Voluntary Counseling ken Testing.

Datoy a gandat ket masapul a maaramid ken maipakita dagiti isyu maipanggep ti datoy a sakit, pakakitaan a pudno ti isyu ken matulongan dagiti rinibribo a tattao ti sangalubongan.

Kas paset ti datoy a kampanya, dagiti grupo ti Men Oppose to Violence Against Women Everywhere (MOVE) ti nagiwaras dagiti flyers, kangrunaan nga inpormasyon ti HIV/AIDS – the modes of transmission, myths maipanggep ti HIV ken dagiti addang tapno daytoy ket maprebentaran.

Kuna dagiti nangbuangay a ni Melecio Ubilas ken Information Officer Iryn de los Reyes ti DSWD, a gandat ti convergence efforts a maisuro dagiti nadumaduma nga inpormasyon maipanggep ti agraraira a sakit a HIV ken AIDS.

Adda met naaramid a candle lighting diay sango iti opisina ti DSWD. Kasta met ti candlelight memorial a naaramid tapno maipalaguip, masuportaran ken masalakniban dagiti apektado ti HIV ti sangalubongan. (JCR/EMR-PIA 1 La Union)