Hiligaynon News: Kondisyon sang mga minahan sa T’boli padayon nga ginabantayan sang PEMO

KORONADAL CITY, Hunyo 9 (PIA) –- Padayon ang hugot nga pagbantay sang Provincial Environment Management Office (PEMO) sa mga minahan sang bulawan sa kabukiran nga bahin sang banwa sang T’boli, South Cotabato,

Ginsiguro ni Acting PEMO Engr. Siegfred Flaviano nga karon may yara sila lima ka manug-usisa nga nagahimo sang assessment sa kada buho agod masiguro nga itumanon sang mga operator ang mga ginpresenta nga mga sulundan.

Suno sa amo nga assessment mahibaluan man kung yara sa delikado nga lugar ang kada tunnel. Mahimo man daw nga magbalhin sang tunnel ang mga minero o kon ipatuman ang mga tikang agod malikawan ang disgrasya.

Kaupod sang PEMO sa monitoring sang mga tunnel sa minahan amo ang Provincial Mining and Regulatory Board nga hugot man ang pagsiguro sang pagpatuman sang mga sulundan nga ginpaguwa sang probinsiya.

Kabahin sang sulundan nga ini amo ang pagbawal sang pagpaubra sang mga kabataan, pagbawal sa mga tao nga hindi minero nga nagasulod sa minahan, pagsigurado nga may papeles kag permit ang ginapaguwa ngta mineral ore kag madamo pa nga iban.


Mahimo man nga panason ang permit sang mga operator kung supakon nila ang mga sulundan sang lokal nga gobyerno sang South Cotabato, suno kay Flaviano.

Madumduman nga tunga-tunga sang tuig 2011, ginpasirado ni Gov. Arthur Y. Pingoy Jr. ang nag-abot sa 300 ka mining tunnel sa T’boli tungod kay nag-operate sila nga wala sang permit. Liwat ini nga gin abrihan matapos nila nga makompleto ang ila nga mga papeles kag makakuha sang permit to operate halin sa nasambit nga probinsiya. (RTL-PIA 12)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines