Maguindanaon news : DA panawagan kanu aktibo a pamamangamong kanu mga taliyawid

Monday 24th of September 2012

KORONADAL CITY, South Cotabato, Setyembre 24 (PIA) -- Pakadsalig su mga taliyawid kanu Rehiyon 12 ataw ka kanu kaped a parti nu bangsa sa mas labi a madakel pen a prugrama kanu 2013 kanu ipadtuman nu Department of Agriculture (DA) a padtuman kanu kabpagiseg labi den kanu industriya nu Agrikultura, tigin ni DA 12 Regional Director Amalia Jayag-Datukan.

Kabpanganganayan bon tigin sa mas labi pen a masla a pundo su ibpaginggay nu guberno a para kanu prugrama a kanu tumundog enya a lagun.

Sabap kanu niya, panganggaten ni Director Datukan su mga taliyawid a aktibo kanu kabpagamong sa mga pruyikto endo prugrama enya a ipadtuman nu DA.

Nisisita e salanganen nu mga taliyawid su ipadtuman a aktibidad nu kagawaran labi den kanu mangagan a kanu gay sa makuwa ataw ka makamit nu bangsa su layunin nu Food Staple Sufficiency Program.

Kanu upama na inireport ni Director Datukan sa pinakaulad nu DA su Mindanao Rural Development Program (MRDP). Panggungalan kanu Philippine Rural Development Program ataw ka padsakop pen kanu kaped pen a rehiyon kanu bangsa.

Sabap kanu kambantas nu niya a MRDP particular kanu mga pruyikto nu Community Fund for Agricultural Development (CFAD), Rural Infrastructure (RI) endo Natural Resources Management (NRM).

Kanu ulian nu tudtulan, iniliwanag nu opisyal, sa sabap sa MRDP, madakel den a mga lokal kanu guberno su miniling kanu kabpanggamaw nu pundo bilang kontribusyun kanu kabpadtuman sa mga pruyikto a aden lakit lambay nin kanu kaiseg nu kabpangunguyagan a kanu mga taliyawid endo kumunidad a sa kanayunan. (HMYoshioka/PIA-12)