Maguindanaon news : Inibpakaragian su Children’s fest sa Surallah. South Cotabato

Tuesday 4th of September 2012

KORONADAL CITY, South Cotabato, Setyembre 4 (PIA) -- Pinangumbal kanu ulian nu pakaragian kanu gugunayan su lagunan a children’s festival sa dalapa nu Surallah, South Cotabato a pinangunan ni Municipal Council for the Protection of Children (MCPC).

Saguna enya a lagun, napamili su Barangay Upper Sepaka kanu endaw na nakasaut sa 500 a kabataan e sinumampay kanu kabpagisa-isa a kanu nalabet a selebrasyun ataw ka pakaragian.

Tagapada nu MCPC su kinapangumbal kanu aktibidad su Municipal Social Welfare and Development Office (MSWDO), South Cotabato Tri People Gentud Foundatiuon Inc. endo su World Vision Development Foundation Inc.

Galabakan nu nadtelu a selebrasyun su kabpapanggadem ataw ka kabpanggunyat sa mga kabataan labi den kanu susek-susaken a nu dalapa lalan kanu tiyakap endo su kabpagkalimu nu guberno.

Liyu kanu siya, nangumbal bon silan kanu tree planting activity a kanu nadtelu a barangay mismu a inamungan nu mga kabataan.

Nangumbal bon silan kanu libre a birth registration su opisina nu Municipal Civil Registrar sa mga wata a dapen makaparehistro.

Kagina ka maytu, pila a kanu aktibidad su pinangumbal na su dalamaten a kanu mga pambata ataw ka kanu mga kabataan.

Kanu ulian nu tudtulan, inidsukol-sukol nu mga opisyal kanu nadtelu a barangay su kinapamili nu kanilan a lugar endo su suporta a inipa-ilay ni Surallah Mayor Romulo O. Solivio Sr. (HMYoshioka/PIA-12)