Maguindanaon news : PNP Cotabato inimbestigan su kinapatay nu andang a lokal a opisyal endo medya

Tuesday 4th of September 2012

KORONADAL CITY, South Cotabato, Setyembre 4 (PIA) – Pabpaliyugatan kanu kabpagimbestiga nu Philippine National Police (PNP) kanu prubinsya nu Cotabato su kinapatay nu isa a andang a opisyal kanu dalapa nu Magpet endo su co-host nu prugrama a kanu radyu nu Philippine Councilors League (PCL).

Pidtelu ni Cotabato PNP Provincial Director SSupt Cornelio Salinas kanu minukit a ulan-ulan nu Agosto 29, 2012 pen e kinadadag nu biktima a pagkilalan a si andang a Magpet Sangguniang Bayan member Eddie Jesus Apostol Co kanu ulian nu kabpangumbal nin sa treasure hunting kanu prubinsya nu Cotabato endo Maguindanao.

Naton su bangkay nu biktima nu mga tauhan nu 5th Special Forces Battalion nu Philippine Army (PA) a panggampung sa lawas nu Rio Grande De Mindanao sa masiken kanu parti nu Sitio Tinolosan, Barangay Masulot, nu dalapa a Sultan sa Barongis sa Maguindanao.

Pantag kanu kapadsuri ataw ka kabpagimbestiga, su biktima na nasugat nu duwatiman a pangalo ataw ka bala kanu ulo nin endo naka-iket pen su lakanin a duwambala a lima endo ay ataw ka paa.

Kanu gugunayan idtatalus pem bon su imbestigasiyun nu mga pulisya para matun su mga nakadsala kanu ulian nu nanggugula.

Kanu ulian nu tudtulan, su andang a Municipal Councilor na blocktimer nu radyu announcer kanu isa a himpilan nu radio sa siyudad nu Kidapawan. (HMYoshioka/PIA-12)