Maguindanaon news : DA 12 padtabangan nu mga taliyawid kanu kapamandu kanu kaped pen a mga taliyawid

Wednesday 15th of August 2012

KORONADAL CITY, South Cotabato, Agosto 14 (PIA) -- Padtabangan su Department of Agriculture (DA) nu mga taliyawid kanu kabpapadkaulad kanu kataw sa kabpangangawidan nu pagidsen nilan a taliyawid, partikular sa Sarangani, Sultan Kudarat, endo sa South Cotabato.

Kanu niya a nakalipus a padian, mibpirma su DA 12 tagapada su 75 a mga taliyawid, a pambadtuan sa local farmer technicians (LFT), sa silan ban tu e makababated a technicians sa kani-kanilan a komunidad a kanu telutiman a prubinsya nu Soccsksargen Region.

Pidtelu ni Rey Embahador, Agri-Pinoy Rice program coordinator nu DA 12, su nadtelu a mga taliyawid na pinamanduan nu DA kanu bago a kabpaproseso kanu kabpangangawidan. Kanu kabanal nin na, pakapagagani den silan kanu tig-lima ka tonelada uman e ektarya nu palayan kanu ludep nu tundog-tundog a cropping season ataw ka kabpagagani.

Tigin, ni Embahador su pruyikto na inisyatibo ni DA 12 Regional Executive Director Amalia Jayag-Datukan kanu kabpaginugot a mas kasabutan endo mas labi a mangagan kanu katalima nu mga taliyawid amayka kapagidsan nilan a taliyawid e makapamandu kanilan.

Bilang mga technician, makadtalima su mga LFT kanu insentibo a P3,000 uman e ulan-ulan a matalima nilan kanu uman e quarter mapasad nilan maka submit su kanilan a report a pabpatunay a nakapangumbal silan kanu farmer field school ataw ka techno demonstration andu makatabang kanu kaped pen a taliyawid kanu kanilan a lugar.

Kanu ulian nu tudtulan, inidsinantal pen ni Embahador, sa di e unot su North Cotabato sa pruyikto sabap sa pakasaut sa 4 ka tonelada su kapagagani nu mga taliyawid lu. Samantala masiken sa 3 a tonelada bo su lalayun a kapagagani kanu Sarangani, Sultan Kudarat, endo South Cotabato. (HMYoshioka/PIA-12)