Maguindanaon news: Detalyado a mga geohazard map pinangabpunan den kanu kadtukil-tukel nu MGB 12

By Herohito M. Yoshioka

Friday 3rd of August 2012

KORONADAL CITY, South Cotabato, Agosto 3 (PIA) -– Mapasad makumpleto su kinadtukel-tukil kanu mga geohazard map a aden scale a 1:500,000 sa masiken 1,000 a barangay nu Soccsksargen Region, pinangabpunan manem kagay nu Mines and Geosciences Bureau (MGB) – 12 su kinadtimutimo endo kabpaginggay nu mas labi a detalyado a mga mapa.

Su mga bago a mapa na aden scale nin a 1:10,000, tigin ni MGB 12 Regional Director Constancio Paye Jr.

Iganat kanu minukit a lagun taman kanu niya a Hunyo, sapulonggo telu den su naumbalan nilan sa 1:10,000 a geohazard map.

Niya na su mga munisipyu nu Tampakan, Banga, T’boli, Lake Sebu, endo Tupi ataw ka su siyudad nu Koronadal sa South Cotabato; Malungon, Glan, Alabel, endo Maasim sa Sarangani; Columbio endo Senator Ninoy Aquino sa Sultan Kudarat endo siyudad nu Heneral Santos.

Gugunayan a padtimun ataw ka pambuon pen su kanu Bagumbayan, Sultan Kudarat, su kinauman kanu kinadtelu nu opisyal.

Para mapangagan su kapagkumpleto sa nadtelu a mga mapa kanu langun nu rehiyon bago mapased su lagun nu 2014, panganin nu MGB 12 su tabang nu mga mining company endo kanilan a mga geologist sa mumbal sa detalyado a geohazard map kanu sakop nu kanilan a ekplorasyun.

Kanu ulian nu tudtulan, kanu maya ba a ukit-ukitan tigin, matutukan nu tunggal bo a geologist MGB-12 su mga lugar a dala minahan nin endo kilala a kritikal sa kabpembaha ataw ka kagkadalem nu ig endo kabpadtubak kanu lupa o landslide. (HMYoshioka/PIA-12)