Maguindanaon news : Lakbay-aral kanu mga food terminal nu DA 12, pinangumbal

Wednesday 11th of July 2012

KORONADAL CITY, South Cotabato, July 11 (PIA) -- Pinangumbal kanu gugunayan su telugay a Barangay Food Terminal (BFT) Inter-Province Lakbay-Aral a pinangunan nu Agri-Business and Marketing Assistance Division nu Department of Agriculture (DA) 12.

Kaped kanu siya, nakasaut kanu masiken a 100 BFT “ operators, managers, staff and technical working group” ganat kanu prubinsya nu Cotabato, Sultan Kudarat endo su Cotabato City e su mga tinumalabok kanu nadtelu a aktibidad.

Pila kanu mga bisita nu BFT na su mga taga Barangay Pangao-an endo Poblacion Magpet sa North Cotabato, Barangay Biwang sa Bagumbayan, Sultan Kudarat, Barangay Koronadal Proper sa Polomolok, South Cotabato endo su City Food Terminal Multi-Purpose Cooperative ataw ka Bagsakan Center sa General Santos City.

Pidtelu ni Magpet Mayor Efren Piñol, kanu pagalaten nu BFT, makapangaden kanu mga mura a prudoktu a makadtabang sa mga nisisita nu mga madakel a taw kanu dalapa.

Napanganganayan pen sa makapangaden pen kanu ikaduwa a lakbay-aral kanu endaw na pembisitan pen su nasama a mga BFT sa mga prubinsya nu South Cotabato, Sarangani endo kanu siyudad nu General Santos.

Kanu kabpakatadem a kinapangumbal nu DA 12 su walo a BFT a ipadturing a “market alternative” kanu endaw na pambadsakan kanu mga prudukto nu mga taliyawid a padsuplay sa mga presko, de kalidad endo mga mababa e alaga nin kanu komunidad.

Kanu ulian nu tudtulan, kabpanganganayan sa ipabpakaragian saguna a lagun su sapulo enggo lima a bago a BFT kanu kabpangunguna bon nu Kagawaran ng Pagsasaka. (HMYoshioka/PIA-12)