Maguindanaon News : Duwakataw miyembro nu Azkals, mangumbal kanu football clinic sa So. Cotabato

By Herohito M. Yoshioka

Friday 1st of June 2012

KORONADAL CITY, South Cotabato, June 1 (PIA) -- Duwakataw a miyembro nu Philippine Azkals a sila Jason Abbott Abantao Sabio endo si Lexton dela Cruz Moy e kapanganganayan makauma sa South Cotabato andu mangumbal kanu football clinic sa Hunyo 13-14.

Pidtelu ni South Cotabato provincial sports coordinator Florentino Perez Jr. kanu una nu gay na mangaden kanu welcome program endo mga presentasyon a pangkultural. Pamanduan bon su mga pamamangamong ataw ka kalahok kanu mga unan nu prugrama endo mga ukit-ukitan kanu kabpendalamet a football a mapangumbal sa South Cotabato Sports Complex.

Kanu gugunayan, sa ikaduwa nu gay manem na ibpapasyal su mga miyembro nu Azkals sa lake Sebu a sakanin ba e pembadtuan a mana su summer capital nu prubinsya.

Unan nu niya, inipayag ni Azkals coach Hans Michael Weiss na su kanilan a grupo na pangangawid kanu libre a football clinic kanu isa a parte nu Visayas endo Mindanao. Niya na bilang kanu Kabpagilay kanu utang a loob kanu ulian nu kaped-suport a ibpapagilay nu mga Pilipino dikana bo kanu kanilan a grupo niya tabiya na su dalamaten a football.

Kapantag kanu niya na padsukol-sukol si South Cotabato Governor Arthur Pingoy Jr. kanu bental kanu endaw napamanduan su mga wata a malilini sa dalamaten a football kanu lakanin a kasasakupan.

Inumanen pen ni gubernador, na su football clinic na masla e kadtabang kanu mga atleta andu labi a mahasa su kanilan a katagel kanu lalan nu sport anya.

Ipadsendag-sendeg nila Jason Abbott Abantao Sabio endo Lexton dela cruz Moy na silan na aden lahi nin a Pilipino. Si Moy na isa a Lanang samantala si Sabio manem na puro a Pilipino sabap kanu lakanin a ama a taga-Marikina endo su ina na taga-Koronadal City. (HMY-PIA 12)