Maguindanaon news: Kabpagingat kanu kabpagkapulo nu kaso a kabpanagkaw nu ayam, ibpapanawagan

Thursday 17th of May 2012

KORONADAL CITY, South Cotabato, May 17 (PIA) -– Pananawagan si South Cotabato Police Provincial Director P/SSupt. Randolf Delfin sa mga residente nu South Cotabato sa magingat endo nisisita e lalayon alerto sabap sa mimbalingan den manem e kabpanagkaw kanu mga alaga a pangangayamen kanu balang-balang a prubinsya.

Partikular a ibpagingaten ni Delfin su mga pendadalepa kanu susek-susaken nu mga barangay kanu endaw e lalayun kanggula su kabpanagkaw.

Endawan pen nu opisyal kanu mga kigkuwan sa mga pangangayamen a mana su kalabaw ataw ka sapi na tagkasen e kabpambantay kanu kani-kanilan a ayam sabap sa kanu langun a oras kanu dalapa na di magaga tiyakapan nu mga kapulisan ataw ka su kanilan a mga “force multipliers”.

Ipabpakatawan bon nilan su kabpadtulik sa mga sipat-sipatan nu mga personalidad nu mga taw kanu kanilan a lugar andu maka report sa mga pulis ataw ka otoridad.

Padsiguron kanu niya sa pangumbalen nu kapulisan su langun a wagib a galabaken andu masigkem su aden sala nin ataw ka maalen su kabpakasla ataw ka kabpalala nu sitwasyon, ugayd kanu upama na kulang su kanilan a bilangan para kanu siya.

Kanu ulian nu tudtulan, pinangani nin bon su tabang nu mga media kanu kabpalakit sa mga madakel a taw kanu ulian nu tudtulan a gagaten kanu kabpambantay nu kanilan a mga pangangayaman endo su kabpadsigkem kanu mga tagkaw. (HMYoshioka/DEDoguiles/PIA-12)