Maguindanaon news : 16 a kaso nu kabpadtagudo naka-rikord sa Magpet, North Cotabato

Wednesday 16th of May 2012

KORONADAL CITY, South Cotabato, May 16 (PIA) – Nakarikord sa Barangay Don Panaca sa dalapa nu Magpet North Cotabato su sapulonggo anem a kaso nu kabpagudo, kanu gugunayan.

Tagapada kanu mga nabiktima ataw ka su nalalaget kanu kabpadtagudo sila Kapitan Melecio Dulangan, Kagawad Joel Buntal, Jimmy Ampong, Genevieve Dulangan, Nanding Dandal, Genely Tiga, Larry Bayawan, Rubelyn Tambonan, Jimuel Pandong endo si Laryn Bugcal taman sa ininggayan silan sa gamut a mana su Oresol ganat sa health center nu nadtelu a barangay,

Kagina ka maytu, pinananggit manem kanu mga ospital sa Kidapawan City sila Agustina Dandal, Luzvina Ampoy, Editha Bugcal, Manny Pandong, Randy Bugcal endo si Mercedita Pandong.

Pidtelu ni Kapitan Dulangan, nabinasa kanu minukit a padian su tubo nu Barangay Water Association o B A W A S A a sakanin e pagkuwayan kanu ig a maynum sabap sa mababaw e kinakalot lon sakanin e naumbel a lalan kanu kinasandit pantag sa kinakalat nu sakit.

Kanu ulian nu tudtulan, sabap kanu niya ba a pakaragian na inumbayen den nu B A W A S A endo Engineering Department su nabinasa a tubo endo nangumbal den silan kanu kabpa-gimpeksyon sa ig su mga health officials nu lokal a guberno nu Magpet. (HMYoshioka/PIA-12)