Pangasinan News: Saray Pangasinense imparaan parad “tsunami”

LINGAYEN, Pangasinan, Agosto 02 (PIA) – Pian panparaan no nagawa so “tsunami,” agawa so sakey a seminar diad Consuelo Hotel ed sayan baley nen a-bainte sais tan a-bainte siyete na Hulyo diad panangidaolo na Philippine Institute of Volcanology and Seismology (Phivolcs).

Onong ed si Angelito Lanuza, managpasal na Phivolcs, imbangat ed sayan seminar iray komunidad lalo la iray manaayam ya asingger ed dayat. Impaamta ed sikara no anto so “tsunami” tan anto iray gaween no nagawa ya pian ontan manmaliwa ya daiset so epekto to ed saray totoo.

Tinongtong ed sayan seminar so “Earthquake and its Hazards,” “Phivolcs Earthquake Intensity Scale,” “Tsunami Generation, Hazards and Mitigation,” “Tsunami Alert Levels,” “Community-Based Early Warning System for Tsunami,” tan “Basic Map Reading.”

Saray akibiang et impanbantay iray pelikula ya nampanengneng na saray ag nalingwanan ya yegyeg tan “tsunami” ya angiter na leksyon ed saray totoo. (PIA-Pangasinan)

Number of Comments: 0

  

  

• Notices
• PCDSPO
• Speeches

News from the Regions

PIA eMagazines