Pangasinan News: Team Jeepney na Pilipinas nampagalaw na futbol ed Pangasinan

By April Montes

Tuesday 6th of March 2012

LINGAYEN, Pangasinan, Marso 6 (PIA) -- Nampagalaw na futbol so Team Jeepney na Pilipinas ed sayan baley nen sakey a agew pian makapili na saray manggalaw parad bansa tayo diad kumasamplon Homeless World Cup ya nagawa ed Mexico no Oktubre.

Getma na Homeless World Cup ya makatulong ed saray anggapoy ayaman da. Diad galaw na futbol, naipaanta so sayan problema tan naoman met so bilay da ray manggalaw ya mangireprisinta ed Pilipinas.

Onong ed si Rodolfo del Rosario, direktor na Team Pilipinas ed HWC, sakey a taga-Lingayen so apilin manggalaw nen katantaon parad Homeless World Cup ed France. Saya et si Ricardo Padilla, ya datin nanggalaw na futbol parad Pangasinan State University Lingayen kampus ya nanorongan to met.

Walora labat so napilin onlaban ed HWC ya disi-otso patagey so taon da. Nakauolan ya say napili et anggapoy ayaman da, ampon, manaayam ed dalan, manpaparehab tan anggapoy ayaman tod duaran taon; mairap ya aga manaayam ed dalin na tribo to ed katunongan ya ag da kontrol; tan saray manlalako na magasin na Jeepney.

Nengnengen da met so pakayari da ray manggalaw ed futbol; say bilay da natan tan nensaman; say nagawa to yan oportunidad ed sikara tan diad komunidad da; diad pakayari dan makapansalita parad saray mairap-bilay; tan say panlabay dan nakaiba ed sayan programa.

Parad saray tepet, sarag ton iemail si Rodolfo del Rosario ed aburudz11@yahoo.com o nakontak diad 09202300486 / 09175703802.

Mangiter na oportunidad so Homeless World Cup parad saray mairap-bilay na Pilipino ya mangabay ya onasenso. Ipapanunot na Team Jeepney ya say panggagalaw et ag labat sakey ya panliketan balet sakey met ya makapangoman na bilay. (AMM-PIA 1 Pangasinan)