Akeanon news: Sentensya kay CJ Corona gindayaw it Malacañang

By Joselito Edwin R. Ramos

Friday 1st of June 2012

MANILA, Hunyo 1 (PIA) -- Ro Malacañang hay nagdayaw ko desisyon it Senado sa pag convict kay punong mahistrado Renato C. Corona ag naghambae nga, ro sentensya hay sangka mabahoe nga paagi para mabalik ro pag-pati it publiko sa atong sistema it hustisya.

“20 ka senador ro nag boeoto para ma-convict si Mr. Renato C. Corona sa Article II it Articles of Impeachment. Ro democratic institutions hay mas pina-baskog ag hapamatud-an nga umubra,” hambae ni Deputy Presidential Spokesperson, Abigail Valte sa sangka press statement pagkatapos ko desisyon it Senado.

“Si Mr. Corona hay isaeang ka uyahon eon lang it mga bagay-bagay sa sistema it hustisya. Indi naton pagkalipatan nga ro tanan nga gaadto sa korte, mangin imoe man o manggaranon hay magsalig nga maka-agom it hustisya halin sa mga naga-patuman, espiritu man o panueat ko laye. Ro sentensya it Senado hay sang-eak-ang paadto sa pag-pabalik it tiwala sa mga korte ag pagpati sa mga katapo it hudikatora,” dugang pa ni Valte.

Ko Martes, mayoriya ko mga Senador hay nag boto, 20 ro nag desisyon para ma-booe si Corona sa serbisyo. 3 eang ro sa pag-pahilway.

Si Corona, pinaagi sa sentensya it Senado, ro pinaka-hauna nga opisyal it gobyerno nga gin-pahalin pina-agi sa impeachment court.

Pagka-tapos it 43 dias nga trial, haeos tanan nga Senador nag-desisyon nga si Corona hay pahalinun sa anang pwesto bangod, imaw, bilang pinaka-mataas nga mahistrado hay bukon it angay ag bagay sa anang posisyon bangud sa pag-pinuril ag kapaltahan sa saea nga pag-deklarar ko anang mga pagkabutang.

Ro mga Senador nga nag-sentensya kay Corona hay sanday, Senador Edgardo Angara, Alan Peter Cayetano and Pia Cayetano, Franklin Drilon, Francis Escudero, Jose "Jinggoy" Estrada, Teofisto Guingona III, Gregorio “Gringo” Honasan, Panfilo Lacson, Lito Lapid, Loren Legarda, Sergion Osmeña III, Francisco “Kiko” Pangilinan, Koko Pimentel, Ralph Recto, Ramon “Bong” Revilla, Tito Sotto, Antonio Trillanes, Manuel Villar ag presiding officer, Juan Ponce Enrile.

Sa pihak nga banda, sanday Senador Joker Arroyo, Ferdinand Marcos, Jr. ag Miriam Santiago hay nag boto para sa kahilwayan ni Corona. (PCOO/JCM/JER-PIA6)