Hiligaynon news: ICT importante nga gamit sa pagbato sa krimen suno sa puno sang PNP

Thursday 12th of July 2012

KORONADAL CITY, Hulyo 12 (PIA) -- Sa tuyo nga nga mapadaku ang mahimo nga pagsolbar sang kriminalidad, si Philipine National Police (PNP) Director General Nicanor Bartolome, naghambal nga gamiton ang information communication technology (ICT) kag mga kaupod sa siyensiya sa ila pagbato kontra sa mga kriminal kag mga sindikato.

Siling ni Bartolome nga padayon sila nga magsunod sa tion pinaagi sa PNP Information Technology Management Services (ITMS). Ginaakilala ang importansiya sang ICT nga isa ka importante kag isa ka pamaagi nga gamit.

Ginhambal pa ni Bartolome nga ang PNP sa subong nagagamit sang teknolohiya sa pagpalapnag sang mas maayo nga tampad, masaligan nga pagpalakat kag pagdumala sang pulis.

Sa subong, siling ni Bartolome nga ang PNP gina-usisa ang pagpatuman sang lima ka mga buluhaton sa ICT nga amo ang PNP data warehouse system, ang e-blotter, e-warrant, e-rogue gallery kag document management system.

Ang buluhaton nga ICT parti sang kabug-usan nga pagpabag-o sang hilikuton o kon performance governance system nga sa subong gintawag nga Patrol Plan 2013, siling pa niya nga, ang PNP dugang nga nagapangita nga magtukod sang galamiton kag himoon nga mangin matuod and ICT based-capability nga pagpaayo sa buluhaton.

Dugang pa niya nga ginabuligan sila sang ila nga buluhaton sang ila tuwang sa luwas sang pungsod upod ang Pransiya, America, Australia kag Japanese nga mga ahensiya sa pagpatuman sang mga layi.

Ang tuyo sang mga tuwang nga mga manogpatuman para makadulot sang maayo sa pagbato sang cyber crime, hambal pa ni Bartolome.

Siling pa gid niya nga ang pakig-upod kinahanglan tungod ang nasambit nga mga krimen nagasaka sang masunson sa bug-os nga kalibutan.

Tungod sini, si Bartolome nagsiling nga ang PNP Cybercrimes Division, nga ara sa idalum sang Criminal Investigation and Detection Group, nagakapot sang mga 1,339 ka kaso sang forensic kag digital nga pagpangusisa sugod sang gintukod sang 2003.

Samtang sa subong, ginatukod sa mga laboratoryo sa regional digital forensic sa nagkalain-lain nga rehiyon para mabuligan sabat ang mga panginahanglanon sang mga nagapalakat nga hugpong sa cyber crime nga pagpangusisa kag digital pagpamatuod nga pag-usisa kag analysis, dugang ni Bartolome.

Dugang pa gid ni Bartolome, nga ini may ara man ikasarang nga makahatag gilayon sang bulig teknikal sa mga hugpong sa pagtipig kag pagtipon sang electronic kag digital nga pagpamatuod. (EBdelaCruz/PIA12)