Cebuano news: Aquino administrasyon, padayon sa posisyon pagdumili sa pag amenda sa 1987 Constitution

By Nida Grace B. Tranquilan

Tuesday 3rd of July 2012

SURIGAO DEL SUR, Hulyo 3 (PIA) -- Si Presidente Benigno S. Aquino III padayon ang pagbarog sa posisyong nga ang pag-amendar sa 1987 Constitution dili kinahanglan karong panahuna aron lamang pagpaus baw sa kapabilidad nga maprotektahan ang teritoryo niini, matud pa sa opisyal sa Palasyo kagahapon.

Si Presidential Spokesperson Edwin Lacierda namahayag atol sa regular nga press briefing sa Malacanang Lunes, subay sa report nga nagkadaiyang grupo ang nihanyag ug pag amender sa Konstitusyon aron pagpalig-on sa sekuridad sa nasud nga mokombate sa mga pag atake sa mga langyaw.

“Ang among ginabuhat karon mao ang paghimo ug minimum nga depensa sa posesyong katungod. Mao nga kami mihupot sa armadong kusog. Wala pa akmi mihimo ug panaghisgut karon batok sa Charter Change. Ang president mihimo sa posesyong nga tataw kayo sa puntong pagrespeto sa Charter Change," matud ni Lacierda.

Sumala sa taho, nga ang Armed Forces of the Philippines miplano nga maukuha ug unom ka jet fighters aron mamisyonan ang pagpugong batok sa mga impostor sa mga katubigan ug kawanangan nga sakop pa sa Pilipinas.

“Kon maresolba nato kini nga problema kon isyu bisan dili iamendar ang Charter, among ipadayon ang pagbuhat sa susamang pamaagi (If we can resolve problems or issues without going through amending the charter, we will continue to do it that way)," sulti ni Lacierda. (PIA 13, Surigao del Sur)