Cebuano news: Pangulong Aquino miabot gikan UK, US nga biyahe uban ang gisaad nga $2.5-billion para sa investment

By Nida Grace B. Tranquilan

Monday 11th of June 2012

TANDAG CITY, Surigao del Sur, Hunyo 11 (PIA) -- Si Pangulong Benigno Aquino III mianunsyo kagahapon (Dominggo) nga siya nakuha ug $2.5-bilyon for investment nga gisaad gikan sa mga negosyante nga iyahang gipakigkitaan atol sa iyahang usa ka semana nga biyahe sa United Kingdom ug United States niadtong milabay nga semana.

Ang Presidente mibutyag niini atol sa iyahang pag abot didto sa Ninoy Aquino International Airport sa Pasay City, Dominggo sa buntag.

Matud pa sa president, katunga sa total nga gisaad naggikan sa Rolls-Royce, Asea Gaz Asia Ltd ug commodities trading giant Glencore, nga tag iya sa Philippine Associated Smelting and Refining Corporation (PASAR), nga tanan nakabase sa UK.

Ang Glencores miplano ug pagpalapad sa ilahang smelting nga kapasidad pinaagi sa pag-invest ug $600 milyon; Gaz Asia maoy magtrabaho uban ang Aboitiz Equity ug mo-invest ug $150-milyon aron sa pag develop sa planta nga mokumbertir sa orgnic waste materials ngadto sa liquid bio methane; ug ang Rolls-Royce milagda sa P280-milyon service contract uban ang Cebu Pacific para sa pagpalit ug serbisyo sa bag-ong eroplano nga makina.

Ang laing tunga sa investment nga gipanaad nga moabot gikan sa US-based nga mga negosyante ginganlan ug: GN Power Limited, nga miplano ug butang ug duha ka 300 megawatt coal plants sa Bataan nga mokantidad ug $1-bilyon; Underwriters Laboratories Inc. nga mo-invest sa global technology research center sa Manila; ug Citigroup ug USAid nga naghanyag sa mobile financial inclusion program nga makahatag ug mga benepisyo sa mobile banking ngadto sa mga rural areas.

“Sa kabuoan po, ang halaga ng kalakal na papasok mula sa mga kumpanyang nakapulong natin, sa Britanya at sa Amerika: Hindi bababa sa dalawa't kalahating bilyong dolyar, o humigit-kumulang 100 billion pesos,” (Sa kinatibuk-an, ang kantidad sa negosyo nga musulod gikan sa nga kumpaniyang nakasulti nato, sa Britanya ug sa Amerika: Dili muobus sa duha ug tunga ka bilyong dolyar, o musubra kon kulang sa P100 bilyon)," matud pa sa President.

Dugang pa niya, nga gawas sa pagpalig-on sa ekonomiya sa Pilipnas pinaage sa pagsangkap sa trabaho ug panginabuhian kini nga investments dugang pagpalig-on sa relasyon sa Pilipinas uban ang UK ug US.

“Trabaho po ang katumbas ng mga numerong ito; trabahong magdadala ng pagkain sa mesa ng Pilipino. At kasabay po ng magandang balitang ekonomiko, nagbunga rin ng mas malalim pang pakikipagkaibigan ang ating pagbiyahe sa UK at sa Estados Unidos,” Sulti sa president. (RER/NGBT-PIA 13, Surigao del Sur)