Cebuano News: Populasyon sa Surigo del Sur mitaaas og 1.12%

By Nida Grace B. Tranquilan

Monday 11th of June 2012

SYUDAD NG TANDAG, Surigao del Sur, Hunyo 11 (PIA) -- Ang ihap sa populasyon sa tuig 2000-2010 sa Surigao del Sur mitaas og 1.12 porsyento, sumala sa buhatan sa National Statistics Office (NSO) sa probinsya.

Sumala pa sa gipagawas nga sulat pamahayag gikan sa NSO-Suriao del Sur provincial office, adunay usa ka tawo ang nahidugang kada tuig sa kada 100 ka tawo nga populasyon.

Sa May 1, 2010 nga Census sa Populasyon ug Housing, ang total populasyon sa Surigao del Sur mukabat og 561,219. Mitaas kini ug 59,411 kumpara sa ihap sa populasyon nga natala sa tuig 2000.

Sumala pa sa record sa NSO, ang total nga populasyon sa tuig 1990 mukabat sa 452,098, samtang 501,808 usab sa tuig 2000 nga census report.

Sa laing bahin, ang NSO miasoy nga dunay kapin kon kulang 123 ka tao ang mi-ukopar sa kada square kilometer area sa kasagaran, kon ang kinauwahian nga total populasyon ang parehason gg pa-occupy sa provincial total land area nga 4,552.2 square kilometer. Kini sumala pa, mitaas ug 13 ka tao kon ikumpara sa datus nga nareport sa tuig 2000. (RER/NGBT- PIA 13, Surigao del Sur)