Cebuano News: Aquino, mitudlo og bag-ong mga opisyales sa gobyerno

By Nida Grace B. Tranquilan

Sunday 3rd of June 2012

TANDAG CITY, Surigao del Sur, June 3 (PIA) -- Si Pangulong Benigno S Aquino III mitudlo ug mga bag-ong opisyales sa nagkalain laing ahensiya sa gobyerno lakip na ang mga Huwes sa “lower courts”, sumala pa sa opisyal sa Palasyo.

Ang pagtudlo gibutyag ni Presidetial Spokesperson Edwin Lacierda atol sa gihimong pagpakighisgut sa dxRB Radyo ng Bayan sa adlaw nga Sabado.

Ang Chief Executive mipirma sa sulat isip pagtudlo kang Janet B. Abuel ug Gil P. Montalbo para sa posisyog “Assistat Secretaries” sa Department of Budget and Management (DBM). Si Abuel maoy hulip kang Ruby V. Alvarez.

Lakip sa presidential appointees ang mga mosunod:

- Nestor Antonio P. Monroy as Acting Director II - the National Telecommunications Commission (NTC), mihulip kang Eleuterio P. Navarro Jr.
- Liberty T. Casco as Deputy Administrator - Philippine Overseas Employment Administration (POEA) diin ubos sa pagdumala sa Department of Labor and Employment (DOLE). Si Casco maoy puli kang Noriel P. Devanadera.
- Alfredo G. Tolentino as Undersecretary - Department of Public Works and Highways (DPWH). Siya gitudlo sa posisyon ubos sa co-terminus nga estatus.
- Meleda H. Polita as Schools Division Superintendent - Department of Education, isip puli ni Lourdes M. Victoriano. Si Polita ingon man usab gitudlo nga Career Executive Service Officer (CESO) rank VI.
Lakip nga gitudlo usab sila Judge B. Dicdican nga presiding judge sa Danao City (Cebu) Regional Trial Court (RTC) Branch 25 ug Judge Anna Marie Pace Militante nga presiding judge sa Lapu-lapu City (Cebu) RTC Branch 53.

Usab si Presidente Aquino, miuyon sa nominasyon nila ni Danilo T. Carranza ug ni Francisco C. Mabaso Jr. para mahimong membro sa Board of Director nga morepresentar sa sektor sa mga mag-uuma, United Coconut Planters Bank-Coconut Industry Investment Fund (UCPB-CIIF) Oil Mills Group.

Si Carranza maoy gitudlo para sa Group A: San Pablo Manufacturing Corporation, Southern Luzon Coconut Oil Mill, Inc. ug Legaspi Oil Company, Inc. Samtang si Mabaso sa Group B: Granexport Manufacturing Corporation, Cagayan de Oro Oil Company ug Iligan Coconut Industries Inc.

Ang Chief Executive usab miaprobar sa nominasyon ni Felix G. Ayson nga Hepe sa Aquaculture Department, Southeast Asian Fisheries Development Center (SEAFDEC) alang sa duha ka tuig nga termino. (RER/NGBT/PIA Surigao del Sur)