Cebuano news: Aquino gilantaw ang maayong kaugmanon sa agriculture sector human ang mga reporma sa gobyerno

Friday 6th of July 2012

SURIGAO CITY, Hulyo 6 (PIA) -- Si Pangulong Benigno S. Aquino III miingon nga ang sektor sa agrikultura sa nasod daghan na ang nahimo sulod sa duha ka tuig, samtang iyang gihangyo ang publiko sa padayon nga pagsuporta sa mga reporma nga gihimo sa iyang administrayon alang sa katawhang Filipino ug alang sa nasod.

“Kung may isa man pong sektor na talagang sumasalamin sa kung gaano kaepektibo ang ating krusada sa tuwid na daan, ito ay ating sektor ng agrikultura, sa pangunguna ng Kagawaran ng Pagsasaka,” ang Pangulo miingon sa iyang mensahe atol sa Makina-Saka 2012 Agri-Machinery Roadshow didto sa Pasay City, kagahapon Huwebes.

“Talaga naman pong sa pamumuno ng ating Kalihim Proceso Alcala, ang dating pambansang kamalig na pinagmumulan ng kaliwa’t kanang anumalya, ngayon ay bukal ng mabubuting balita.”

Ubos sa Administrasyong Aquino, mikunhod na ang gidaghanon sa pag-angkat og imported rice sa niaging tuig gikan sa 1.3 million metric tons ngadto sa 850,000 metric tons, ug dugang pa niini karong tuiga, ang nasod moangkat lamang og 500,000 metric tons alang sa kinatibuk-ang konsumo sa nasod.

Ang departamento sa agrikultura naglaom usab nga makaangkon sa nasod ang rice-sufficiency sunod tuig ug posible nga ang nasod makasugod na pagpadala og bugas ngadto sa laing mga nasod kung dili maapektuhan sa daot nga panahion ang ani sunod tuig.

Ang gobyerno namuhunan usab sa sektor sa agrikultura aron makunhoran ang kausik, sulti sa Pangulo. Sa niaging tuig ang gobyerno migahin og P1 bilyon aron ipalit sa mokabat 2,300 ka mga units sa postharvest machineries ug uban pang ekwipo.

Alang karong tuiga, gipatas-an sa gobyerno ang budget ngadto sa P2.6 bilyon aron ipalit sa 7,000 ka mga farm machineries nga ipanghatag ngadto sa mga organisasyon sa mga mag-uuma ug mga lokal nga pangagamhanan libot sa nasod, sulti sa Pangulo.

Ang gobyerno namuhunan usab sa irrigation system sa nasod aron mapauswag ang food production, dugang pa niya.

Giangkon usab sa Pangulo ang panginahanglanon aron mapauswag ang research ug paglambo sa nasod, ingon nga ang mga state colleges ug universities ug ang Department of Agriculture kinahanglan magtambayayong aron tabangan ang mga agriculture professionals, farmers ug growers sa paggamit sa bag-ong mga technolohiya ug mga pamaagi sa pag-uma.

“Hinihimok din po natin ang pribadong sektor na patuloy na makibalikat sa pagpapayabong ng ating agrikultura. Ang pagbabayanihan natin ang susi upang matiyak ang pangmatagalang seguridad sa pagkain, gayundin sa mas matatag na ekonomiya ng bansa,” siya miingon.

“Nananalig ako na ang tagumpay ng Makina-Saka 2012 ay magiging isang dambuhalang hakbang tungo sa mas moderno, mas kapaki-pakinabang at mas matatag na sektor ng pagsasaka,” dugang pa sa Pangulo.

Iya usab giyahangyo ang mga Filipino nga palig-onon ang diwa sa pagtinabangay aron hatagan og gahom ang ilang isig katawo ug iyang gipasabot nga matag liso sa reporma nga itanom karon makabenipisyo kini sa sunod nga mga henerasyong Filipino.

“Samahan po ninyo ako --- Ituloy po natin ang pagtahak sa tuwid na landas, at atin pong pitasin ang mas mayabong na bukas,” siya miingon.

Mitambong usab sa maong kalihukan kagahapon sila Agriculture Secretary Proceso Alcala, Science and Technology Secretary Mario Montejo, Cambodian Ambassador to the Philippines Hos Sereythonh ug si Palo, Leyte Mayor Matin Petilla. (RER/FEA-PIA12 Surigao del Norte/PCOO)