Cebuano news: Palasyo gidawat ang pagkapapha sa 31 ka opisyales sa DENR

Monday 2nd of July 2012

SURIGAO CITY, Hulyo 2 (PIA) -- Gidawat sa Malacañang kagahapon Domingo ang lakang ni Department of Environment and Natural Resources (DEBR) Secretary Ramon Paje sa pagpapha sa 31 ka mga opisyales sa DENR gikan sa ilang mga katungdanan gumikan sa kapakyas niini sa pagpakgang sa mga illegal activities sa ilang mga tagsa-tagsa ka mga erya.

Sa press briefing sa radyo dzRB Radyo ng Bayan, si Deputy Presidential Spokesperson Abigail Valte miingon nga suportado sa gobyerno ang lakang ni Paje ug giawhag niini ang gilayon nga imbestigasyon sa maong kaso.

“There has to be an explanation and there has to be an investigation …’yung nangyari po mga logs na ‘yon, ‘yung mga nai-transport under the watch of these officials. So, yes, they have a lot of explaining to do,” sulti ni Valte.

Gipapha ni Paje niadtong Sabado ang mga opisyales sa DENR gumikan sa kapakyas niini sa pagpatuman sa direktiba ni Pangulong Benigno S. Aquino III nga mahunong ang pagdaghan sa illegal logging nga iyang gimando niadtong niaging tuig.

Ang mga gipapha sa ilang mga katungdanan mao sila: Region 13 executive director Leonardo Sibbaluca ug Region 11 executive director Jim Sampulna, Region 13 regional technical director (RTD) for forestry Musa Saruang, Region 11 RTD for forestry Hardinado Patnugo, Region 11 Forest Resources Conservation Division OIC chief Claudio Jumao-as;

Provincial Environment and Natural Resources Officer (PENRO)–Agusan del Norte Rosendo Asunto, PENRO-Agusan del Sur Belo Udarbe, PENRO-Surigao del Sur Domingo Cabrera Jr., PENRO-Davao del Norte Marcia Isip, PENRO-Davao Oriental Gregorio Lagura, PENRO-Compostela Valley Julius Valdez;

Community Environment and Natural Resources Officer (CENRO)-Butuan City/Nasipit Vicente Sembrano, CENRO-Tubay Cabadbaran Elvin Indig, CENRO-Bayugan Ruel Efren, CENRO-Bunawan Jerome Tadem, CENRO-Loreto Alberto Bacanaya, CENRO-San Francisco Marlon Gelingo, CENRO-Talacogon Eufracio Subayno; CENRO- Cantilan Mario Tioaquen, CENRO-Bislig Ferdinand Alba, CENRO-Lianga Jose Mario Reyes, CENRO-Tandag Rogelio Montenegro;.

CENRO-Davao City (West) Napoleon Paje, Davao City (East) Melchor Ozaraga, CENRO-Baganga Robinson Camacho, CENRO-Lupon Basilio Caralos, CENRO-Mati Restituta Dime, CENRO-Manay Dioscor Gavarra, CENRO-Maco Marvin Parilla, CENRO-Monkayo Victor Billones, ug CENRO-Nabunturan Antonio Inguillo. (PIA-Surigao del Norte)