Cebuano News: Pangulong Aquino gihurar si Sonia Brady isip Ambassador ngadto sa People's Republic of China

By Susil D. Ragas

Wednesday 20th of June 2012

SURIGAO CITY, Hunyo 20 (PIA) – Pormal ng gihurar ni Pangulong Benigno S. Aquino III sa iyang katungdanan si Sonia Brady isip Ambassador Extraordinary and Plenipotentiary ngadto sa People’s Republic of China sa usa ka seremonya nga gipahigayon didto sa Malacañang niadtong miaging adlaw.

Ang Pangulo mitudlo kang Bradley, diin kini nakaserbisyo na isip Ambassador ngadto sa Beijing sukad niadtong tuig 2006 ngadto 2010, niadtong bulan sa Mayo karong tuiga.

Ang Commission on Appointments, nga nahibalo sa iyang kaalam ug eksperinsiya isip beteranong diplomat, gilayon nga mikumpirma sa iyang appointment.

Luyo kang Bradley, gihurar usab ni Pangulong Aquino sa ilang katungdanan ang tulo ka bag-ong mga Associate Justice sa Court of Appeals, ang bag-ong natudlo nga mga opisyales sa gobyerno ug mga opisyal sa Philippine National Police ug ang National Press Club.

Kini mao sila: Associate Justices Ma. Luisa Padilla, Renato Francisco, ug Joseph Lopez; Assistant Secretaries of the Department of Budget and Management Janet Abuel, Gil Montalbo ug Deputy Ombudsman Gerard Mosquera; Police Deputy Director Generals Emelito Sarmiento ug Rommel Heredia; Police Directors Elpidio De Asis, Jr., Samuel Diciano, Gil Meneses, Felipe Rojas, Jr., ug Arnulfo Perez; Police Chief Superintendents Roland Vicente, Diosdado Ramos, Fernando Idio, Ronilo Quebrar, Fidel Posadas, Percival Barba, Sonny Cunana, ug Raul Petrasanta.

Ang mga opisyal sa NPC mao sila: Benny Antiporda, president; Marlon Purificacion, vice president; Louie Logarta, secretary; Jerry Yap, Treasurer; Rolly Gonzalo, Auditor ug Directors Mina Navarro, Alvin Murcia, Paul Gutierrez, Joel Sy Egco, Nats Taboy, William Depasupil, Ronniel De Guzman, Arlie Calalo, Ma. Kristina Maralit ug Leonel Abasola. (PIA-Surigao del Norte)