Cebuano news: Refresher course alang sa pag-sustenar sa ISO 9001:2008 certification, gipatigayon saDOLE-12

Thursday 3rd of May 2012

GENERAL SANTOS CITY, May 3 (PIA) -- Usa ka orientation ug refresher course sa Quality Management System Requirements and Auditing ang gitambungan sa pipila ka mga empleyado sa Department of Labor and Employment-Rehiyon Dose.

Ang nasampit nga usa ka adlaw nga orientation nga gipahigayon saulahing semana sa Abril mahinungdanon alang sa DOLE-12 ilabi na kay kiniawardee sa ISO certification 9001:2008 sa milabayng tuig.

Gipangunahan sa Certification International Philippines (CIP) ang nasampit nga aktibidad kun diin mismo si CIP training director Romeo Ramirez ang nanguna sa paghatod sa kaalaman ug impormasyon ngadto sa mga partisipante.

Mapasalamaton usab si DOLE-12 regional director Chona Mantilla sa CIP sa pag-initiate niini sa nasampit nga orientation nga regular usab ginabuhat niini aron suportahan pinaagi sa pag-update sa mga nagkadaiyang tulun-anon ug impormasyon ang mga ahensya nga ISO certified.

Sa iyang mensahe, gi-highlight ni Mantilla nga dili lamang importante ang pag-mentenar ug pag-sustenar sa Quality Management System (QMS) kun dili usa kini ka dakong hagit sa mga ahensya adunay ISO sertipikasyon.

Apan, dugang niini nga ang pinadakong hagit ngadto sa mga ahensya nagpabilin gihapon kung unsaon niini pag-silbi maayo sa mga kliyente nga maka-deliver kini og pinakamaayo ug kinasing-kasing nga serbisyo.

Ang mga hisgutanan sa nasampit nga aktibidad gilangkuban sa “Q101:Understanding and Implementing ISO 9001:2008 – A Strategy for Global Competitiveness which points on the development of QMS Model; Overall aim of ISO 9001:2008 and its structure; Eight Quality Management Principles and understanding the requirement of ISO 9001:2008 (clauses 4 to 8).”

Nalipay usab si Mantilla sa gipakitang interes sa mga staff niini nga mapasensyosong naminaw sa resource person ug aktibo kini nagpartisipar sa nagkadaiyang topics.

Sigun pa niini dakung tabang gayud ang orientation sa mga employees dili lamang hangtud sa "conceptual understanding" kun dili ang pagkat-on og aktwal nga kasinatinaa nga mahimong mapatigayon sa mga empleyado sa ilang mga opisina ug sa paglungtad sa DOLE XII ISO 9001:2008 certification.

Gina-implementar usab sa DOLE ang 22-Point Labor and Employment Agenda sa kasamtangang administrasyon nga adunay “overarching goal” sa “Human Resource Competitiveness and Industrial Peace Based on Social Justice.” (DD/CTA-PIA General Santos City)