Cebuano news: Rehiyon sa Dabaw andam na sa pag-abli sa klase

By Carina L Cayon

Saturday 2nd of June 2012

DAVAO CITY, June 1 (PIA) –- Usa ka opisyal sa Department of Education sa rehiyon ang nagbutyag ug mipasalig nga ang rehiyon andam na sa pag-abli sa klase karong umaabot nga Hunyo 4.

Si DepEd Assistant Regional Director Fe delos Reyes ang nag garantiya sa hundred percent nga andam ang tanang tulunghaan nga naggikan sa siyam ka mga DepEd Divisions sa Davao Region atol sa Kapihan sa PIA nga gipahigayon sa Abreeza Mall dinhi sa siyudad.

Si Delos Reyes misigurado nga ang tanang elementarya ug ang sekondaryo nga mga tulunghaan adunay sakto ug husto nga mga bangko ug lamesa alang sa tanang mga magtutungha.

Siya nagpasibaw sa maong kasiguruhan human giila ang tabang sa lokal nga panggamhanan sa Tagum City nga maoy naghimo ug nag apud-apud sa mga school furtniture nga gikan sa mga naimbargo nga illegal nga mga torso ngadto sa mga daghang tulunghaan sa tibu-ok rehiyon.

Si Delos Reyes nagkanayon nga ang mga Grade 1 nga mga magtutudlo ang gibansay alang pagpangandam sa bag-ong kurikulum sa gitawag og Mother Tounged-Baesd Multi-Lingual Education kung diin ang mga magtutungha sa Grade 1 ang makatu-on sa ilang mga tulun-anan pinaagi sa lokal nga pinulungan sugod karong tuiga.

Ang pinaka ulahing grupo sa mga Grade 1 nga mga magtutudlo ang usab ang maghigayon sa ilang karong semanaha, dugang butyag niya.

Dinhi sa Rehiyon, ang Cebuano nga pinulungan ang pagagamiton nga medium of instruction, dugang pa niya nga naandam na ang mga instructional materials nga nahisulat sa Cebuano.

Si Delos Reyes nag esplika nga ang Mother Tounge-Based Multi-Lingual Education ang mag langkob pod sa Grade 2 ug 3, apan ang mga Grade 1 nga mosulod karong tuiga mao ang unang maka sinati sa katibuk-ang programa sumala sa implementation plan.

Human ang malampusong paghimo sa tinuig nga school maintenance program o ang “Brigada Eskwela”, niadtong May 21-26 dinhi sa rehiyon, ang DepEd-XI nagpahigayon usab og Oplan Balik Eskwela 2012 nga gisugdan niadtong Mayo 28 hangtud Hunyo 8 aron dugang pag siguro sa hapsay nga pag abli sa mga klase karong Hunyo.

Ang OBE nagtumong sa pag sulbad sa mga problema nga kasagarang masinati-an niining mga panahuna ug sa pag siguro nga ang mga magtutuhangha husto nga natala ug makatambong sa unang adlaw sa pag tungha karong Hunyo 4, ang DepEd Memorandum No. 83-2012 maoy nag mando niini. (PIA-11/Albert Cahilog)