Cebuano News: Gabayan alang sa “cash for work” han-ay na

ILIGAN CITY, Lanao del Norte, Feb. 22 -- Nahan-ay na sa kagamhanang lokal sa Iligan ang guidelines kon gabayan alang sa pagpatuman sa programang “cash for work.”

Kini human sa duha ka magkasunod nga mga pakisayod nga gidumala ni City Councilor Roy Openiano ug sa mga kadagko-an sa City Social Welfare and Development (CSWD) Office.

Gipatawag sa maong konsultasyon ang mga barangay kapitan, mga district supervisors sa CSWD ug mga evacuation camp managers aron mamatud-an ang mga pangalan sa mga benepisaryo sa maong programa.

Nauyonan nga patrabaho-on ang matag beneficiary sulod sa lima ka adlaw ug magdawat og suhol nga 215 pesos matag adlaw. Gilauman nga dili moubos sa napulo ka libo ka mga benepisaryo kinsa naggikan sa mga barangay nga apektado sa bagyong Sendong ang makapahimulos sa programa.

Kung kahinumduman nga nadawat ni Mayor Lawrence Lluch Cruz ang 11.87 milyones pesos nga ayuda gikan sa Department of Social Welfare and Development alang sa “cash for work.” (MTA-CIO/PIA 10) 

• Notices
• PCDSPO
• Speeches

News from the Regions

PIA eMagazines