Cebuano news: Ang ika-tulong SONA ni Pnoy ang pinakamaayo sa tanan – Congressman Ocampos

By Rutchie Cabahug-Aguhob

Thursday 26th of July 2012

TANGUB CITY, Misamis Occidental, Hulyo 26 (PIA) -- Labing maayong State-of-the Nation Address sa tanan nga akong nadungog ang ika-tulong SONA ni Presidente Benigno S. Aquino III milabay nga Hulyo 23.

Mao kini ang giluwatan ni Congressman Leo Loreto S. Ocampos sa ika-duhang distrito sa Misamis Occidental, kinsa miingon nga “Matinud-anon ang mga pulong ni Pnoy. Mahinungdanon kini sa usa ka SONA. Matinud-anon siya ug gatuo kaniya ang katawhan, samtang ang SONA sa milabay nga administrasyon walay unod ug puno sa gimmick.”

“Ang iyang mga gipahayag sa SONA dali ra masabtan ug puno sa kamatuoran. Nagsulti usab kini unsa siya kamatinud-anon nga pagkatawo,” dugang sa Kongresista.
.
Sa laing bahin, ang Kongresista mipasalamat sa Presidente sa iyang paghatag panugot sa mga proyekto alang sa preventive maintenance ug rehabilitation/reconstruction/upgrading sa mga national arterial ug secondary roads ug mga tulay nga mokabat sa duolan duha ka gatus ug setenta e uno milyones pesos, pinaagi sa DPWH kun Department of Public Works and Highways.

Niini nga kantidad, duolan sa P75.74 milyon ang alang sa preventive maintenance ubos sa gitawag nga Assets Preservation of National Roads Generated from Pavement Management System/Highway Development and Management 4 (HDM-4).

Samtang duolan sa P194.97 milyon ang alang sa rehabilitation/reconstruction/upgrading (RRU) niadtong mga dalan nga naguba.

Upat ka bahin niining maong proyekto ubos sa HDM-4 nahilakip sa dalan gikan sa Ozamiz paingon ngadto sa Oroquieta (Ozamiz to Oroquieta Road) nga nagkantidad sa duolan kwatro milyones pesos (P3.66 milyon), duolan duha ka milyon ka pesos (P1.65 milyon), duolan diyes milyones pesos (P9.98 milyon) ug duolan singlo milyones pesos (P43.7 milyon).

Duha usab ka proyekto ubos sa HDM-4 ang didto mahilakip sa dalan gikan sa Ozamiz paingon ngadto sa Pagadian (Ozamiz to Pagadian Road), nga nagkantidad sa duolan otso milyones pesos (P7.89 milyon) ug duolan nuybe milyones pesos (P8.86 milyon).

Ubos sa rehabilitation/reconstruction/upgrading usab, sa Ozamiz to Oroquieta Road nahilakip ang mosunod nga upat ka proyekto nga nagkantidad sa duolang dose milyones pesos (P12.68 milyon), duolan kwarenta e dos milyones pesos (P41.86 milyon), kapin baynte-sayes milyones pesos (P26.38 milyon) ug kapin sa onse miyones pesos (P11.09 milyon).

Kalakip usab sa rehabilitation/reconstruction/upgrading sa Ozamiz-Pagadian Road ang pito ka proyekto nga nagkantidad sa mosunod: kapin katorse milyones pesos (P14.24 milyon) kapin traynta milyones pesos (P30.11 milyon), duoloan dise-nuybe milyones pesos (P19.68 milyon), duolan nuybe milyones pesos (P8.89 milyon), kapin kinse milyones pesos (P15.17 milyon), duolan onse milyones pesos (P10.84 milyon) ug kapin kwatro nilyones pesos (P4.02 milyon).

Mahinumduman nga unom ka mga FMR farm-to-market roads nga adunay kinatibuk-an nga kantidad nga pito ug tunga ka milyon ka pesos (P7.5 milyon), usab ang gitunol ni Congressman Ocampos ngadto sa local government unit sa Tudela, Mis. Occ., sa milabay nga semana.

Kini nga mga FMR’s nahimutang sa mosunod nga mga barangay: Tonggo, Buenavista, Sebac, Taguima, Barra ug Locso-on.

Ang pagsemento niining maong mga farm-to-market roads gihimo sa 2nd Engineering District sa DPWH sa Mis. Occ.,dugang pa ni Congressman Ocampos. (PIA10-Mis. Occ.)
The FMR’s with their corresponding lengths were located in the following barangays: 75-linear meter (lm) in Tonggo, 298-lm in Buenavista, 80-lm in Sebac, 300-lm in Taguima, 298-lm in Barra and 80-lm in Locso-on.

Concreting of the FMR’s was undertaken by the Second Engineering District of the DPWH in the province, Congressman Ocampos added.. (PIA-Mis. Occ.)