Cebuano news: Philippine Veterans Bank napili sa kagamhanang probinsiyal sa Misamis Occidental alang sa loan bunga sa maayong amortization package nga wala sa mga bangko sa probinsiya

Sunday 22nd of January 2012

ni Pat Nano

OROQUIETA CITY, Misamis Occidental, Jan. 22 (PIA) -- Adunay mga sanglitanan kun’ nganong gipili sa kagamhanang probinsyal nga didto moutang sa Philippine Veterans Bank sa gikinahanglang pundo nga gilangkoban sa 180 million pesos alang sa Major Renovation sa Capitol Building ug 95 Million Pesos alang sa pag-develop sa Misamis Occidental Provincial Athletic Complete

Gipasabot ni Governor Hermie Ramiro nga dunay mga tanyag ang Philippine Veterans Bank nga wala sa mga bangko dinhi sa probinsya.

Usa na niini ang amortization package nga naglangkob na sa low interest rate, one year grace period, gidugayon sa amortization ug daghan pang uban.

Kun’ kini nga mga opotiyonidad, ana-a usab sa mga bangko dinhi sa probinsya, dili gayud magduha-duha ang kagamhanang probinsyal nga kini ang ilang pili-on nga moay hulaman sa gikinahanglang kantidad.

Nasayran nga adunay gikatahong mga pagreklamo sa lokal nga mga bangko sa probinsya, sa katarungan nga nganong didto mi-loan ang kagamhanang probinsyal sa gawas nga bangko nga wala man daw kini magbayad sa local taxes sa probinsya.

Daghang mga bangko sa probinsya nga nag-apas nga maoy mapili nga paga-utangan gumikan sa dakong kasarang nga makabayad. (PIO/PIA-10 Mis. Occ.)