Cebuano news: Aquino misaad sa commitment sa kagamhanan pagpalambo sa water management system sa nasud, nag-awhag hingtungdang ahensya mohimo ug master plan

Tuesday 28th of February 2012

PAGADIAN CITY, Feb. 28 (PIA) -– Si Presidente Benigno S. Aquino III mipadayag sa commitment sa kagamhanan pagpatuman sa mga maayong programa ug polisiya sa water sector sa tinguha nga mapalambo ang paghatag sa mga naanag-una panginhanglan ug serbisyo sa katawhang Filipino samtang siya ang nag-awhag sa mga hingtungdan nga inter-agency committee nga madalion nga maghimo ug master plan alang sa epesyente nga pagdumala sa paggamit niini.

Sa iyang pakigpulong sa “Water Loss 2012 Conference and Exhibit” sa Isla Ballroom sa Edsa Shangri-La Hotel sa dakbayan sa Mandaluyong ning Lunes, ang Presidente mipadayag sa ubay-ubay ka mga strategic initiatives sa kagamhanan aron sa pagpalampo sa pagdumala sa tubig. Iyang naobserbahan nga ang paggamit sa siyentipiko nga pamaagi ug nagkalakin-lain nga konsultasyon aron paghimo sa epeketibo nga plano.

“Niadtong Oktubre 2011… human sa mga konsultasyon uban ang akong Gabinete, ako ang mitimaan sa Order Ehekutibo nga nagtukod sa inter-agency committee sa sektor sa tubig nga gipanguluhan sa Department of Public Works and Highways Secretary. Ang komitiba gitahasan nga modesnyo ug morekomendar sa master plan alang sa water sector kinsa ako ang gisultihan nga ilang gi-finalize karon . Sa Secretary ug water czar Babes Singson ug sa uban nga nahilangkun, ako ang naglaum nga makatan-aw sa inyong giplano sa akong lamesa sa dili pa matapos ang Lenten season,” ang residente nagkanayon.

“Buot nato nga i-integrate ang atong pagdumala sa mga kahinguhaan sa tubig sa pagpalano ug pagpalambo ug pagpatuman sa mga programa. Gusto nato sa kinatibuk-an nga prosesong pangsiyentepiko, gusto nato ang tukma nga data ug malign-on nga pagsabot tungod kay pinaagi lamang niini kita ang makahimo sa tukma nga mga desisyon. Lain nga mahinungdanon nga prinsipyo ang karon gihimo na sanglit kita ang nagkonsulta sa mga stake holders, gusto nato nga makisultihanay sa mga tawo sama ninyo ug gusto nato nga maminaw kung unsa ang ikasulti sa civil society aron nga kita ang makahimo sa mga polisiya nga mohatag ug pagkahimugos sa tinuod sa kinabuhi nga mga solusyon,” dugang pa niya.

Ang hepe ehekutibo midasig nga mohimo sa ilang kabahin paghimo sa water systems sa nasud nga mas labing epesyente aron paghatag kaseguruhan sa epesyente nga abiyo sa tubig alang sa mga tawo.

Ang Water Loss 2012 gituyo sa pagpresentar ug pagtuki sa mga bag-o nga mga kalamboanstratehiya, pmaagi ug applications sa f international best practices sa Non-Revenue Water Management.

Ang konperensya mao ang ika-unom nga kalihokan sa serye sa International Water Association water loss reduction specialty conferences human sa malampuson nga "Water Loss 2010" nga gipahigayon sa Sao Paulo, Brazil sa Hunyo 2010.

Gipasiugdahan sa International Water Association ug gidumala sa Manila Water Company, Inc. (Manila Water) ug Maynilad Water Services, Inc. (Maynilad), ang maong kalihokan naglangkub sa water loss experts gikan sa 30 ka mga nasud aron paghisgot sa kasamtangan ug technical papers sa mga kalamboan, stratehiya, techniques ug applications of international best practices sa Non-Revenue Water management.

Lakip na nga mitambong sa maong konperensya mao si Department of Public Works and Highways (DPWH) Secretary Rogelio “Babes” Singson, Manila Water Chairman Fernando Zobel de Ayala, Maynilad Water Chairman Manuel Pangilinan ug International Water Association-Water Loss Specialist group chairman Timothy Waldron. (JPA/GCC/PCOO/PIA9-Zambosur)