Cebuano News: Aquino mipadayag sa comitment sa kagamhanan pagmugna ug daghan nga ekonomikanhong kahigayonan sa mga Filipinos

By Gideon C. Corgue

Saturday 11th of February 2012

PAGADIAN CITY, Peb. 11 (PIA) -- Si Presidente Benigno S. Aquino III mipahayag nga ang kagamhanan nagpabilin nga komitado pagpadayon sa iyang paningkamot pagmugna ug daghan nga eoonomikanhon nga kahigayonan alang sa katawhang sumala sa gipadayag sa nanag-una nga programa sa iyang admnistrasyon lakip na nagpadayon nga training ug skills development sa katawhan.

Sa pakigpulong sa paglusad sa Specialista Technopreneurship Program (TSTP) sa Technical Education and Skills Development Authority (TESDA) sa TESDA Auditorium, TESDA Complex, East Service Road dakbayan sa Taguig ning Biyernes, si Presidente Aquino subli nga nagpahibalo nga ang kagamhanan gimandoan pagbaid sa kabatid ug mga talento sa katawhang Filipino kinsa iyang giingon nga maoy naggiya dili lamang sa maayong kahimtang pagpuyo apan sa mauswagon ug magmalamboon nga nasudnong ekonomiya.

“Sugod pa lang sa atong pagpangatungdanan prayoridad na sa atong gobyerno ang pagmugna ug mga trabaho ug pagpalapnag ang mga kahigayonan alang sa kadaghanan,” matud pa sa Presidente.

“Tataw sa atong mando nga bairon ang kabatid sa mga Pilipino ug wagtangon ang mga babag aron nga maangkon nila ang maayo nga pamuyo. Nakabalo kita nga mubunga ug maayo ang pagserbisyo sa mga nanginahanglan tungod sa pagtaas sa gintang sa ilaha nga panginabuhian ug mao usab ang pagtaas sa pagsalig sa Pilipinas nga makabaton sa tinuod nga kauswagan,” dugtong pa niya.

Ang Presidente nagpadayag sa ilang hingpit nga pagsalig sa liderato ni TESDA Director-General Joel Villanueva samtang iya kini nga gipasalamatn sa mga paningkamot pagpatuman ug mga kausaban sa ahensya aron nga mabatonan ang pag-uswag sa katawhan.

“Nagtuo kita sa liderato ni Secretary Villanueva… Waalay ‘wang-wang’ sa TESDA, walay magbentaha ug walay kuwarta nga moadto sa mga walay pulos nga programa. Nagpasalamat kita sa TESDA pagtuman sa saad niini sa katawhan --- walay maulahi sa pag-uswag,” si Presidente Aquino nagkanayon.

Base sa impact evaluation studies nga gipahigayon sa nakalabay nga tuig, ang Presidente nagkanayon, dul-an sa 61 porsiento nga mitapos sa technical, vocational ug educational training sa TESDA ang karon nagbaton na sa abot sa ilang mga hingtungdan trabaho.

Gidgutong pa niya nga ang kagamhanan nagpunting pagtanyag sa daghan nga mga trabaho sa nagpabilin nga 39 porsiento.

“Ang 39 porsiento pun-an nato sa dugang nga pagtagad aron aduna silay makuha nga trabaho …” dugang pahayag sa Presidente. (JPA/GCC/PCOO/PIA9)